Եվրոպայի խորհրդի գլխավոր քարտուղար Թյորբյորն Յագլանդը սեպտեմբերին կժամանի Ադրբեջան: Այս մասին տեղեկացնում է Apa գործակալությունը:

Լրատվամիջոցի փոխանցմամբ, այցի գլխավոր նպատակը հանդիսանում է մասնակցությունը միջազգային կոնֆերանսին` նվիրված Եվրոպայի երիտասարդության խնդիրներին:

Գլխավոր քարտուղարը հանդիպումներ կունենա Ադրբեջանի ղեկավարության, հասարակական կազմակերպությունների ներկայացուցիչների հետ, ինչպես նաեւ կքննարկի երկրում ժողովրդավարության եւ բարեփոխումների, նոյեմբերին կայանալիք խորհրդարանական ընտրությունների նախապատրաստության հետ կապված հարցեր:

ArmAr.am