Թուրքիայի ընդդիմությունը շարունակում է  քննադատել երկրի կառավարությանը` վարչապետի նոր խորհրդականի նշանակման առնչությամբ:

Հիշեցնենք, որ հունիսին կառավարությունը Ալի Յուկսելին հաստատել էր որպես վարչապետ Ռեջեպ Թայիբ Էրդողանի խորհրդական:

Շատերի կարծիքով, Ալի Յուկսելին, իշխող կուսակցության «ընտանեկան արժեքների» մասին իր հռետորությունը հասցրել է ծայրահեղության.

Նրան քննադատողները նկատում են, թե Յուկսելին մի անձ է, ով   կրոնական արարողությամբ ամուսնացել է երեք անգամ եւ իրեն համարում է «իսլամի շեյխ»` կրոնական հարցերով գերագույն ղեկավար:

Հանդես գալով  ի պաշտպանություն վարչապետի խորհրդականի, սոցիոլոգ Յիլդիզ Էսեվիթն ասել է. «Նմանատիպ կրոնական ամուսնությունները կամ այլ կապերը «Արդարություն եւ զարգացում» կուսակցությունում որպես խնդիր չեն ընկալվում»:

ArmAr.am