Արցախի Հանրապետության նախագահը 50 տարեկան է. շնորհավորանքներ ՀՀ վարչապետից
ԼՂՀ նախագահ Բակո Սահակյանի 50-ամյակի առթիվ շնորհավորական ուղերձ է հղել վարչապետ Տիգրան Սարգսյանը` նրան մաղթելով, առողջություն, անսպառ եռանդ:
Կառավարության տեղեկատվության ու հասարակայնության հետ կապերի վարչության տեղեկացմամբ, ուղերձում մասնավորապես ասված է.
«Լեռնային Ղարաբաղի Հանրապետության մեծարգո Նախագահ,
Հայաստանի Հանրապետության կառավարության և անձամբ իմ անունից սրտանց շնորհավորում եմ Ձեզ ծննդյան 50-րդ հոբելյանի կապակցությամբ: Դժվար է գերագնահատել Ձեր անձնական ներդրումը ԼՂՀ անկախության, մեր հայրենակիցների անվտանգության ապահովման ու Արցախի պետականության ամրապնդման գործում:
Ձեր, որպես պետության առաջնորդի, կարողությունները, խիզախությունը, հայրենասիրությունն ու մարդկային բարձր որակները վաստակել են մեր հայրենակիցների հարգանքն ու վստահությունը: Վստահության այս պաշարը ամուր հիմքեր է ստեղծում Լեռնային Ղարաբաղի Հանրապետությունը զարգացած ու առաջադեմ պետություն դարձնելու Ձեր առաքելության մեջ:
Հարգելի Բակո Սահակի,
Մեկ անգամ ևս ընդունեք իմ ամենաջերմ ընկերական բարեմաղթանքները՝ անսպառ եռանդ, առողջություն ու նորանոր հաջողություններ»:
Դիտել Լրահոս բաժնի բոլոր նյութերը
