Հայաստանի Պետական եկամուտների կոմիտեն տեղեկացնում է, թե այս տարվա առաջին 8 ամիսների հավաքագրումները գերակատարվել են և հարկային, և մաքսային մասով. պետբյուջե է մուտքագրվել մոտ 464 մլրդ դրամ կամ ծրագրված ցուցանիշը գերակատարվել է ավելի քան 45,9 մլրդ դրամով /ներառյալ սոցիալական ապահովագրության վճարները/:

Ընթացիկ տարվա 8 ամիսների հավաքագրումները զգալիորեն գերազանցել են 2009թ.-ի նույն ժամանակահատվածի ցուցանիշները: Մասնավորապես, 2009թ.-ի նույն ժամանակահատվածի համեմատ, այս տարվա հունվար-օգոստոս ամիսներին հավաքագրվել է ավելի քան 76,4մլրդ դրամ, իսկ 2008թ.-ի առաջին 8 ամիսների համեմատ` ավելի քան 4մլրդ դրամ /ներառյալ սոցիալական ապահովագրության վճարները/, ասվում է հաղորդագրության մեջ:

ArmAr.am