Արցախի Հանրապետության Նախագահ Բակո Սահակյանի շնորհավորական ուղերձը Գիտելիքի եվ դպրության օրվա առթիվ

Սիրելի աշակերտներ եւ ուսուցիչներ,

Ի սրտե շնորհավորում եմ ձեզ Գիտելիքի եւ դպրության օրվա առթիվ:

Գիտելիքը բոլոր ժամանակներում եղել է մեր ժողովրդի կարեւոր հարստությունը: Ամենածանր իսկ պայմաններում հայը աչքի լույսի պես է պահել իր գիրն ու հավատը, փրկել փորձություններից ու կործանումից:

Այսօր էլ կրթված ու զարգացած երիտասարդը կարեւոր դեր ունի կատարելու մեր պետության հետագա առաջընթացի ապահովման գործում: Կրթության ու գիտության ոլորտի խնդիրները մշտապես գտնվում են Արցախի իշխանությունների ուշադրության կենտրոնում: Մենք անում ենք հնարավորը, որպեսզի մեր աշակերտները հաճախեն նոր ու վերանորոգված դպրոցներ, ստանան ժամանակակից կրթություն:

Այսօր ուզում եմ հատկապես շնորհավորել մեր այն բալիկներին, ովքեր առաջին անգամ են ոտք դնում դպրոցի շեմին: Թող ուսումնառության այդ տարիները նրանց համար լինեն հարուստ ու բովանդակալից:

Մեկ անգամ եւս շնորհավորում եմ բոլորիդ եւ մաղթում քաջառողջություն, հաջողություններ ուսման մեջ եւ կյանքում