Սկզբունքային սխալ ենք համարում ՀԱԿ-ի առաջարկած բանաձևի նախագիծը
Արձագանքելով Հայ Ազգային Կոնգրեսի (ՀԱԿ) կողմից ներկայացված Լեռնային Ղարաբաղի հակամարտության խաղաղ կարգավորման հետ կապված իրավիճակի վերաբերյալ բանաձևի նախագծին, որն առաջարկվում է որպես ՄԱԿ-ի Գլխավոր ասամբլեայի նստաշրջանի ընթացքում Հայաստանի կողմից հնարավոր նախաձեռնության օրինակ.
Քաղաքական զարգացումների հետազոտական կենտրոնը նշում է.
– ղարաբաղյան հակամարտության կարգավորման միակ միջնորդ կողմը ԵԱՀԿ Մինսկի Խմբի համանախագահությունն է;
– ղարաբաղյան հարցի առնչությամբ միջնորդության այլ ձևաչափ, այդ թվում ՄԱԿ-ը պետք է խստորեն բացառել. ձևաչափի փոփոխումը հակասում է Հայաստանի Հանրապետության որդեգրած արտաքին քաղաքական կուրսին;
– ղարաբաղյան հարցը այլ միջազգային ատյաններ տեղափոխելու Հայաստանի ցանկացած նմանատիպ փորձ հնարավորություն է տալու Ադրբեջանին` շարունակելու համախագահության ֆորմատից շեղված քաղաքական կուրսը (ինչպես ՄԱԿ-ի Գլխավոր ասամբլեա բանաձևերի ներկայացման, այնպես էլ հակահայկական վարքագծով հայտնի ԻԿԿ-ին, ՎՈՒԱՄ-ին կամ Թուրքիային միջնորդ դարձնելու փորձերով):
Հաշվի առնելով նշված հանգամանքները, Քաղաքական զարգացումների հետազոտական կենտրոնը սկզբունքային սխալ է համարում ՀԱԿ-ի առաջարկությունը և կոչ անում նմանատիպ նախաձեռնությունները ներկայացնել միայն ԵԱՀԿ Մինսկի Խմբի համանախագահներին
Վահան Դիլանյան
Քաղաքական զարգացումների հետազոտական կենտրոնի նախագահ
ArmAr.am
Դիտել Politics, ԼՂ Հանրապետություն, Լրահոս, Քաղաքականություն բաժնի բոլոր նյութերը
