Թուրքիայի վարչապետ Ռեջեփ Թայիփ Էրդողանը երկօրյա այցի շրջանակներում Պրիշտինայում  չորեքշաբթի հանդիպում է ունեցել Կոսովոյի վարչապետ Հաշիմ Տաչիի հետ:

Մամլո ասուլիսի ժամանակ Էրդողանը հայտնել է, որ Թուրքիան  պատրաստ է ստանձնել  միջնորդի դերը Սերբիայի և Կոսովոյի միջև ընթացող բանակցային գործընթացում, եթե հրավեր ստանա:

Հանդիպման ժամանակ քննարկվել են երկկողմ հարաբերությունները և երկրում տեղի ունեցած վերջին իրադարձությունները:

Էրդողանը ծրագրում է հանդիպել Կոսովոյի խորհրդարանի խոսնակ Յակուպ Կրասնիչիի հետ, ինչպես նաև այցելել Պրիզրեն, որի բնակչությունը մեծամասամբ կազմված է թուրքերից: