Արտակ Զաքարյանն անդրադառնալով Լեւոն Տեր-Պետրոսյանի վերջին հանրահավաքում արտահայտած մտքերին, հայտարարել է. «Ակնհայտ է, որ երբ բացակայում է ազգի եւ հայրենիքի գիտակցումը, ու չկա նրան ծառայելու կամքը, նյութապաշտական, փառասիրական եւ այլ կարգի «ես»-երը գալիս են մասնատելու ազգային օրգանիզմը: Եվ պատահական չէ, որ քաղաքականությամբ զբաղվող հայն իր անհասկանալի հայացքներին ծառայելու ճանապարհին էժան աջակցություն ստանալու նպատակով ազգայինը միտումնավոր որակում է իբրեւ ռաբիսՙ մոռանալով, որ ինչն ուղղված է ազգայինի դեմ, ուղղված է նաեւ մարդկության դեմ»:

«Հանրահավաքային էպոպեան վկայում է, որ մեր ժողովրդին ու պետությանը պետք չեն ընդդիմություն բեմադրող գաղափարախոս ռեալիստներ, ինչպես նաեւ երազկոտ ճակատագրապաշտներ, այլ անհրաժեշտ են արտաքին եւ ներքին քաղաքական կյանքի իրական պայմանները գործով իմացող գաղափարական գործիչներ»:

ArmAr.am

Թեգեր` ազգ, Լևոն Տեր-Պետրոսյան, մասնատել, նյութապաշտ, փառասեր