Վրաստանի կառավարությունը չի պատրաստվում վաճառել «Հյուսիս-Հարավ» գազատարի հատվածը, որը միացնում է Հայաստանը Ռուսաստանին:

Այս մասին հայտնել է Վրաստանի խորհրդարանի մամլո քարտուղար Նիկո Մչեդլիշվիլին` վկայակոչելով վարչապետ Նիկո Գիլաուրիին: Մամլո քարտուղարի խոսքերով շատ երկրներ կարող են հետաքրքրություն ցուցաբերել այդ օբյեկտի նկատմամբ, սակայն դա չի նշանակում, որ Վրաստանը կվաճառի գազատարը:

Նշենք, որ ավելի վաղ Ադրբեջանի պետական նավթային ընկերությունը հետաքրքրություն էր արտահայտել գազատարի գնման վերաբերյալ: