‹‹Իրանը պետք է կենտրոնանա հարևան երկրների վրա››
Իրանի ԱԳ նախարարի պաշտոնակատար Ալի-Ակբար Սալեհին խոսել է նախարարության նոր ծրագրերից` արտաքին հարաբերությունների զարգացման վերաբերյալ:
Շաբաթ օրը` Մանուչեհեր Մոթաքիի հրաժեշտի արարողության ժամանակ, Սալեհին հայտնել է, որ Իրանը պետք է կենտրոնանա հարևան երկրների և իսլամական աշխարհի հետ հարաբերությունների վրա:
Իրանի արտաքին քաղաքականության ծրագրերում առավել նշանակալից դիրք ունեցող երկրներ Սալեհին անվանել է Թուրքիային և Սաուդյան Արաբիային: Նա նաև նշել է Ռուսաստանի և Չինաստանի նկատմամբ հատուկ քաղաքական ուշադրության անհրաժեշտությունը: Եվրամիության վերաբերյալ Սալեհին ասել է, որ չնայած անտրամաբանական քայլերին, ԵՄ անդամ երկրները ձգտում են կայուն հարաբերություններ ունենալ Իրանի հետ: Նա նաև ավելացրել է, որ մնացած երկրները, ինչպիսիք են Սիրիան, Լիբանանը և Իրաքը, որոնց հետ Իրանի հարաբերությունները խորը արմատներ ունեն, կարող են մոռացվել:
ArmAr.am
Դիտել Regions, Իրան, Լրահոս, Տարածաշրջան բաժնի բոլոր նյութերը
