Վրաստանի ԱԳ նախարար Գրիգոլ Վաշաձեն 2011թ.-ին իր առաջին պաշտոնական այցը կիրականացնի Ադրբեջան: Վրաստանի փոխարտգործնախարար Նինո Քալանդաձեն մամլո ճեպազրույցի ժամանակ տեղեկացրել է, որ Վաշաձեն Բաքու կմեկնի հունվարի 17-ին:

Այցը կտևի մինչև հունվարի 19-ը: Նախատեսվում է հանդիպում Ադրբեջանի նախագահ Իլհամ Ալիևի հետ: «Վրաստանն ամուր հարաբերություններ ունի Ադրբեջանի հետ: Մենք սպասում ենք, որ երկու երկրների միջև հարաբերությունները առավել խորը փուլի կանցնեն »,- հայտարարել է Քալանդաձեն:

ArmAr.am