Ադրբեջանը շարունակում է ապատեղեկատվություն տարածել

Լեռնային Ղարաբաղի պաշտպանության նախարարությունը հերքել է ադրբեջանական լրատվամիջոցների տարածած տեղեկությունը, թե հրադադարի խախտման արդյունքում ադրբեջանցի սպա է զոհվել:

«Լեռնային Ղարաբաղի Հանրապետության պաշտպանության բանակի առաջապահ ստորաբաժանումները շարունակում են հարգել հրադադարի ռեժիմը: Դա ադրբեջանական քարոզչության հերթական ապատեղեկատվությունն է: Ավելին ադրբեջանական կողմն է  պարբերաբար խախտում հրադադարի ռեժիմը. օրինակ երեկ եւ անցած գիշեր ադրբեջանական զինված ստորաբաժանումները 14 անգամ խախտել են հրադադարի ռեժիմը»:

ArmAr.am