Չավուշօղլուն հասավ իր նպատակին
Ինչպես հայտնի է,Եվրոպայի Խորհրդի Խորհրդարանական վեհաժողովի բյուրոյի հունվարի 26-ի նիստում ԼՂ հարցով ենթահանձնաժողովի աշխատանքների վերականգնման մասին որոշում էր կայացվել: ԵԽԽՎ թուրք նախագահ Չավուշօղլուն հասավ իր նպատակին, նրան հաջողվեց ԵԽԽՎ-ում վերականգնել ԼՂ հարցով ենթահանձնաժողովի աշխատանքները: Իսկ Լիբերալների կուսակցությունը ներկայացնող կատալոնացի պատգամավոր Հորդի Խուկլա ի Կոստան ընտրվեց ենթահանձնաժողովի նախագահ:
«Հանձնաժողովը երբեք չի կարող դեր ունենալ ղարաբաղյան հիմնախնդրի կարգավորման գործընթացում, քանի որ հայկական կողմից բազմիցս նշվել է, որ Մինսկի խմբի ձևաչափից դուրս որևէ այլ բանակցության տարբերակ չի կարող լինել»,-այսօր հայտարարել է ՀՀԿ մամուլի քարտուղար, ԱԺ ՀՀԿ խմբակցության քարտուղար Էդուարդ Շարմազանովը: Վերջինս նաև ասել է, որ արցախյան հիմնախնդրի կարգավորման հարցում հայկական կողմի դիրքորոշումը հստակ է, որի մասին խոսել է նաև ՀՀ նախագահը վերջերս «Էխո Մոսկվի» ռադիոկայանին տված հարցազրույցում, այն է` խնդրի լուծման միակ ճանապարհը կամ նոր հանրաքվեն է, կամ էլ Խորհրդային Միության օրենսդրությանը համաձայն անցկացված հանրաքվեի արդյունքների ճանաչումը:
Դիտել Hay-turq, ԼՂ Հանրապետություն, Լրահոս, Քաղաքականություն բաժնի բոլոր նյութերը
