ԱՄՆ պետքարտուղարի տեղակալի օգնական Ֆիլիպ Գորդոնը, ելույթ ունենալու Սլովակիայի մայրաքաղաք Բրատիսլավայում օրերս կայացած միջազգային անվտանգության վերաբերյալ Globsec (Global Security) 2011 գիտաժողովին հայտարարել է, թե Լեռնային Ղարաբաղի խնդրի կարգավորման հարցում ԱՄՆ-ը համագործակցում է Ռուսաստանի հետ ԵԱՀԿ Մինսկի խմբի համանախագահների մակարդակով:

Ֆիլիպ Գորդոնն ասել է. «Կան պնդումներ, թե իբր ռուսները գործընթացը աստիճանաբար իրենց վերահսկողության ներքո են վերցնում` կազմակերպելով Հայաստանի եւ Ադրբեջանի միջեւ հանդիպումներ, սակայն հարցն այստեղ այն է, որ ռուսներն աշխարհագրորեն ավելի մոտ են հակամարտող կողմերին, եւ ավելի հեշտ է հանդիպում կազմակերպել նրանց միջնորդությամբ, օրինակ` Սոչիում, Մոսկվայում, Սանկտ-Պետերբուրգում կամ Աստանայում, քան Վաշինգտոնում, որն  ավելի հեռու է գտնվող »:

«ԱՄՆ-ը կարծում է, որ ռուսները գործում են թափանցիկ եւ Մինսկի Խմբի համանախագահող միջնորդ մյուս կողմերը` ԱՄՆ-ը եւ Ֆրանսիան, տեղեկացվում են հանդիպումների մանրամասներին: Համանախագահների միջեւ այս խնդրում առկա է փոխվստահություն, քանի որ նրանք հանդես ենք գալիս ընդհանուր շահերի պաշտպանության դիրքերից: Իսկ այդ շահերը կայանում են Եվրոպայում համապարփակ անվտանգության ապահովման հրամայականով»,- ասել է նա:

ArmAr.am