Ապրիլի 22-ին Հայաստանի Ազգային արխիվում կբացվի հայ ռազմական և պետական գործիչ Գարեգին Նժդեհի 115-ամյակին նվիրված ցուցահանդես: Այդ մասին Երևանում կայացած մամլո ասուլիսում հայտարարել է Ազգային արխիվի փոխտնօրեն Էդգար Հովհաննիսյանը: Ըստ նրա, ցուցահանդեսում կներկայացվեն ռազմական և պետական գործիչ Գարեգին Նժդեհի կյանքին և գործունեությանը վերաբերող փաստաթղթեր:

Հովհաննիսյանը հայտնել է, որ Հայաստանի Ազգային արխիվում կբացվեն նաև այլ հոբելյանական ցուցահանդեսներ: Այդ համատեքստում նա հայտնել է, որ տեղի կունենա Ֆրիտյոֆ Նանսենի 150-ամյակին նվիրված ցուցահանդես: Այս տարի Հայաստանի ազգային արխիվը Հայաստանի պատմության թանգարանի հետ համատեղ կազմակերպում են Հայաստանի անկախության 20-ամյակին նվիրված միջոցառումներ:

ArmAr.am