Կհայտարարվի ԵՊՀ ռեկտորի թափուր պաշտոնի մրցույթը
Ապրիլ 29, 2011թ. 19:02
Այսօր ՀՀ կրթության և գիտության նախարար Արմեն Աշոտյանի հրամանով` իր դիմումի համաձայն,
Երևանի պետական համալսարանի ռեկտոր Ա. Սիմոնյանն ազատվել է ռեկտորի պաշտոնից և
նշանակվել ռեկտորի ժամանակավոր պաշտոնակատար:
Նախարարի հրամանը միտված է ԵՊՀ ռեկտորի թափուր պաշտոնի նախատեսվող մրցույթը և
կառավարման խորհրդի համապատասխան նիստը պատշաճ կազմակերպելուն: Հաշվի է առնվել այն
հանգամանքը, որ ռեկտոր Ա. Սիմոնյանի պաշտոնավարման ժամկետը լրանում է մայիսի 29-ին և
սահմանված կարգով մրցույթի անցկացման ժամկետը համընկնում է ուսումնական տարվա ավարտի և
ամառային արձակուրդների հետ:
Երևանի պետական համալսարանի ռեկտորի թափուր պաշտոնի մրցույթը կհայտարարվի սահմանված
կարգով:
Դիտել Լրահոս, Հասարակություն բաժնի բոլոր նյութերը
