ԼՂՀ Ազգային ժողովի բազմամարտի գծով փոխանցիկ գավաթի հերթական խաղարկությունը մայիսի 13-ին հատեց եզրագիծը։

Ստեփանակերտի մարզադաշտում անցկացված մարզական միջոցառմանը, որը կազմակերպվել և անց է կացվել խորհրդարանի և կառավարության  համատեղ ջանքերով՝ ի դեմս   ԱԺ գիտության, կրթության, մշակույթի, սպորտի և երիտասարդության հարցերի մշտական հանձնաժողովի, կրթության ու գիտության նախարարության  և սպորտի պետական կոմիտեի, մասնակցում էր մայրաքաղաքի և շրջանների հանրակրթական  դպրոցների 3-6-րդ դասարանցիներին ընդգրկող ու միջդպրոցական մրցություններում հաղթող ճանաչված 7 թիմ։

Երկօրյա մրցությունների արդյունքում՝ ընդհանուր հաշվարկով, արդեն չորրորդ տարին անընդմեջ,  հաղթող ճանաչվեց Շուշիի Խաչատուր Աբովյանի անվան միջնակարգ դպրոցի թիմը՝ նվաճելով ԱԺ փոխանցիկ գավաթը և ՀՀ Ազգային ժողովի փոխանցիկ գավաթի խաղարկությանը մասնակցելու  իրավունք։ Այդ հիման վրա դպրոցի թիմին,  իրավունք ընձեռվեց  մշտապես պահպանել նախորդ երեք տարիների առաջնություններում արդեն իր խաղարկային շրջափուլը սպառած գավաթը։

Երկրորդ և երրորդ մրցանակային տեղերը գրավեցին համապատասխանաբար Ստեփանակերտի Խաչատուր Աբովյանի անվան թիվ 1 և Հադրութի շրջանի Մեծ Թաղեր գյուղի Արմենակ Խամփերյանցի անվան միջնակարգ դպրոցների թիմերը։

Խաղարկության հանդիսավոր փակմանը խաղարկության մասնակիցներին ու կազմակերպիչներին ուղղղված շնորհավորանքի խոսքով հանդես եկավ ԼՂՀ ԱԺ գիտության, կրթության, մշակույթի, սպորտի և երիտասարդության հարցերի մշտական հանձնաժողովի նախագահ Արմեն Սարգսյանը։

ArmAr.am

Թեգեր` ԱԺ, գավաթ, ԼՂՀ