ԼՂ նոր պատերազմը կավերի Հարավային Կովկասի տարածաշրջանային փոխհարաբերությունների ողջ համակարգը։ Մայիսի 17-ին Երեւանում տեղի ունեցած «Կովկաս-2010» կոնֆերանսի ժամանակ այս մասին հայտարարեց Բաքվի «Զերկալո» թերթի քաղաքական մեկնաբան Ռաուֆ Միրգադիրովը։

Նրա խոսքով, տարածաշրջանի երկրներն աստիճանաբար ազատվել են վախից, որն ապրում էին 2008 թվականից՝ ռուս-վրացական հնգօրյա պատերազմից հետո։

Միրգադիրովի համոզմամբ, Լեռնային Ղարաբաղի դեպքում հակամարտությունն արագ կարգավորել չի հաջողվի։ Ինչպես նշեց մեկնաբանը, ԼՂ-ում նոր պատերազմի դեպքում կվերանա հարաբերությունների ողջ համակարգը՝ հաշվի առնելով, որ Թուրքիան չի կարող մի կողմ քաշված մնալ։ Ադրբեջանցի լրագրողը նաեւ ասաց, որ ԼՂ ճանաչումը, ինչպես նաեւ ներկայիս ստատուս-քվոյի պահպանումը ոչ ոքի ձեռնտու չէ։