Դավիթ Ջամալյան.«Ադրբեջանն ամեն դեպքում չի գնա պատերազմի»
Ռազմական հոգեբան Դավիթ Ջամալյանն այսօր խոսելով Կազանում Հայաստանի, Ռուսաստանի, Ադրբեջանի նախագահների հանդիպուման մասին , նկատել է, թե այն ուղղված է լինելու պատերազմի կանխարգելմանը:«Կարծում եմ, որ հանդիպման ընթացքում պայմանավորվածություն ձեռք կբերվի ռազմական գործողությունները բացառելու մասին: Հավանաբար կընդունվ հռչակագիր, կամ հայտարարություն, որով կարձանագրվի, որ պատերազմն անընդունելի է»,- ասել է Ջամալյանը:
Ըստ Ջամալյանի Ադրբեջանը մի կողմից հասկանում է, որ ներկայիս միջազգային իրադրությունը ևս բարենպաստ չէ ռազմական գործողությունների վերսկսման համար, և երկրորդ` հայկական կողմն այդքան թույլ չէ, որպեսզի ադրբեջանական բանակին հաջողվի սկսել և ավարտել կայծակնային պատերազմը:
«Ադրբեջանն ամեն դեպքում չի գնա պատերազմի, այլ կփորձի ապակայունացնել իրավիճակը շփման գծում: Իսկ դա ընդամենը հայկական կողմի վրա հոգեբանորեն ազդելու միջոց է և ոչ ավելին»:
ArmAr.am
Դիտել Hay-turq, Ադրբեջան, Զինված ուժեր, ԼՂ Հանրապետություն, Լրահոս, Տարածաշրջան, Քաղաքականություն բաժնի բոլոր նյութերը
