ՀՅ Դաշնակցության բյուրոյի Հայ Դատի եւ քաղաքական հարցերի գրասենյակի պատասխանատու Կիրո Մանոյանը քննադատել է Լոս Անջելեսում Հայաստանի անկախության 20-ամյակին նվիրված երեկույթը բոյկոտելու մասին ՀՅԴ Արեւմտյան Ամերիկայի Կենտրոնական կոմիտեի որոշում:
Կիրո Մանոյանը նշել է, թե այդ հայտարարությունն արտահայտում է Կենտրոնական կոմիտեի դիրքորոշումը եւ, թերեւս, արդյունք է գաղութում առկա որոշակի տրամադրությունների։ «Հասկանալի է, որ Հայաստանում կուտակվել են բազմաթիվ հիմնահարցեր, առկա են բազմաթիվ չլուծված խնդիրներ։ Բայց 20-ամյա տարելիցը մեր ընդհանուր հաղթանակի եւ ձեռքբերումների ամրագրումն է»,- նկատել է նա: «Մենք իրավունք չունենք այս մակարդակի միջոցառումներում անձնավորված հարաբերություններով եւ հուզական քայլերով առաջնորդվելու, այլ առիթը պետք է օգտագործենք` մնալով հանդերձ մեր սկզբունքային դիրքերում` նման միջոցառումներով արտահայտելու մեր միասնականությունն ու համախմբվածությունը»,- ընդգծել է Մանոյանը:

Թեգեր` դաշնակցական, Լոս Անջելես, Կիրո Մանոյան