Եվրո 2012-ի նախընտրական փուլի Բ խմբի 9-րդ տուրում Հայաստանի հավաքականը 4-1 հաշվով հաղթեց Մակեդոնիայի հավաքականին:

Խաղի 28-րդ րոպեին, Յուրա Մովսիսյանի փայլուն անցումից հետո հաշիվը բացեց Մարկոս Պիզզելին: 34-րդ րոպեին Հենրիխ Մխիթարյանը հեռահար գեցեցիկ հարվածով հաշիվը դարձրեց 2-0:

Երկրորդ խաղակեսի 10-րդ րոպեին Մակեդոնիայի կազմում դաշտից հեռացվեց Շումուլիկոսկին:

70-րդ րոպեին Յուրա Մովսիսյանի հերթական անցումից հետո Գևորգ Ղազարյանը հաշիվը դարձրեց 3-0:

87-րդ րոպեին Մակեդոնիայի կազմում հաշիվը կրճատեց Շիկովը:

91-րդ րոպեին Արթուր Սարկիսովը Մեսսիի ոճով պառկեցրեց դարպասապահին և հաշիվը դարձրեց 4-1:

Այս հաղթանակից հետո Հայաստանի հավաքականը վաստակեց 17 միավոր: Սա երրորդ անընդմեջ խոշոր հաշվով հաղթանակն էր: