Քիչ առաջ Ազգային ժողովի հաշվիչ հանձնաժողովի նախագահ Գագիկ Մելիքյանը հրապարակել է ԱԺ նախագահի ընտրությունների արդյունքները: Այսօր խորհրդարանում կազմակերպված փակ գաղտնի քվեարկության արդյունքներով՝ չորրորդ գումարման խորհրդարանի երրորդ խոսնակը ՀՀԿ խմբակցությունը ներկայացնող, ԱԺ նախկին փոխնախագահ Սամվել Նիկոյանն է: Ըստ ներկայացված տվյալների՝ քվեարկությանը մասնակցել է 106 պատգամավոր: Նրանցի 102-ը թվերակել է Սամվել Նիկոյանի օգտին, 4 պատգամավոր իր ձայնը տվել է «Ժառանգություն»-ը ներկայացող Լարիսա Ալավերդյանին:

Ընտրվելուց հետո ԱԺ նոր նախագահը շնորհակալություն է հայտնել գործընկերներին վստահության համար և նշել է, որ որպես խորհրդարանի նախագահ առաջնորդվելու է այն սկզբունքներով, որոնքց մասին խոսել էր երեկ: Երեկ Սամվել Նիկոյանը անդրադարձել էր ԱԺ-կառավարություն փոխհարաբերություններին, ընդդիմության հետ քաղաքական մեծամասնության համագործակցությանը, նաև նշել էր, որ ինքն այն տեսակետին է, որ խորհրդարանին մնացել է աշխատելու ոչ թե ընդամենը 5 ամիս, այլ մի ամբողջ 5 ամիս:

Լրագրողների հետ զրույցում խոսելով այն հարցի մասին, որ իր պաշտոնավարման շրջանը համընկնելու է նախընտրական փուլի հետ ԱԺ նախագահը հետևյալ դիտարկումն է արել:

«Նախընտրական տարվա ընթացքում պառլամենտի գործունեության որոշ շեշըադրումներ փոխվում են. օրենսդրական գործունեությունը երկրորդ պլան է մղվում, քաղաքականը՝ առաջին: Ես կցանկանայի, որ ամեն ինչ օրենքի սահմաններում լիներ, բայց հասկանում եմ նաև, որ քաղաքական ուժերը փոևձում են օգտագործել այս ամբիոնն ու խոսափողը: Այդ առումով՝ դրական եմ վերաբերում»:

Պատասխանելով հարցին, թե ինչը կցանականար սրբագրել Հովիկ Աբրահամյանի աշխատանքից, Նիկոյանն ասել է, թե նման խնդիր չունի:

«ԱԺ նախագահի պաշտոնում պարոն Աբրահամյանի գործունեությունը համարում եմ շատ դրական, լավ ծրագրեր է նախաձեռնել, դրանք ընթացքի մեջ են և ես կփորձեմ շարունակել։ Բայց յուրաքանչյուրն իր լիազորությունների շրջանակում շեշտադրումներ է փոխում, նոր տեսակետներ է արտահայտում: Եվ դա մի դիտարկեք որպես հակասություն։ Այլապես ստացվում է, որ ես անընդհատ պետք է նույնը կրկնեմ, իսկ եթե նոր միտք եմ արտահայտում, ուրեմն հակասություն է»։