Տիկին Ֆրեյզեր, դուք խեղաթյուրում եք հակամարտության ոգին ու փաստերը
Տալլինում ընթացող ԵԽ ԽՎ մոնիտորինգի հանձնաժողովի կազմակերպած «Սառեցված հակամարտություններ» թեմայով լսումների ժամանակ ԵԽ ԽՎ-ում հայկական պատվիրակության անդամ Նաիրա Զոհրաբյանն իր ելույթը երեկ սկսել է արձագանքելով Ճգնաժամային կենտրոնի տնօրեն Սաբինա Ֆրեյզերի հայտարարությանը։
«Տիկին Ֆրեյզեր, ես ցավում եմ, որ դուք զբաղվում եք հակամարտություններով` խեղաթյուրելով հակամարտության ոգին ու փաստերը: Դուք հայտարարում եք, որ Հայաստանն ու Ադրբեջանը հավասարապես կիրառում են ռազմական հռետորաբանություն, երկուսն էլ սպառնում են պատերազմով: Դուք, մեղմ ասած, ճիշտ չեք: Դուք չեք կարող բերել որեւէ օրինակ, երբ Հայաստանի առաջին դեմքերը օգտագործած լինեն ռազմական հռետորաբանություն, չկա նման բան: Մենք, այո, պատերազմ չենք ուզում, սակայն մեզ պատերազմով վախեցնել հնարավոր չէ»,- հայտարարել է Ն.Զոհրաբյանը:
Դիտել ԼՂ Հանրապետություն, Լրահոս, Քաղաքականություն բաժնի բոլոր նյութերը
