«Շատերն են մեզ մոտ կարծում, թե քննարկման գլխավոր թեման կլինի Եվրամիությանը Հայաստանի, այսպես կոչված, ասոցիատիվ անդամության հարցը: Կարծում եմ, որ այդ թեման, անշուշտ կարեւոր է, սակայն այն ավելի շատ ուղենշային է, քան իրական: Հայաստանը ոչինչ չունի առաջարկելու Եվրամիությանը, իսկ Եվրամիությունը ոչինչ չունի տալու Հայաստանին, բացի նոր, երեւի ավելի շատ սիմվոլիկ վիզային ռեժիմի սահմանափակումից: Այժմ Եվրամիությունը չունի ո՛չ ֆինանսական միջոցներ, ո՛չ ներուժ, ո՛չ էլ կամք ինչ-որ բան ձեռնարկելու նախկին ԽՍՀՄ տարածքում»,- նման կարծիք է հայտնել ռուս քաղաքագետ Ա.Սկակովը: