Ադրբեջանը հրաժարվում է կատարել «ռազմաճակատի գծից» դիպուկահարներին հեռացնելու՝ միջազգային կազմակերպությունների պահանջները: Այդ մասին երեկ հայտարարել է Ադրբեջանի պաշտպանության նախարարության մամուլի ծառայության ղեկավար Էլդար Սաբիրօղլուն:
«Մենք չենք հեռացնի դիպուկահարներին մինչեւ պատերազմի ավարտը»,- ասել է Սաբիրօղլուն ադրբեջանական եւ հայկական զորքերի շփման գծի Թարթառի հատված Ադրբեջանի զինված ուժերի սպաների, հասարակայնության եւ մտավորականության ներկայացուցիչների այցելության ժամանակ: