Հայաստանում նոր աղանդ է ի հայտ եկել` արևաբուժություն: Այս մասին լրագրողների հետ հանդիպման ժամանակ հայտնեց Միացյալ երիտասարդական լիգայի համանախագահ Սևակ Հովհաննիսյանը: Նրա հավաստմամբ` աղանդի պարագլուխը ոմն Կիմա է, իսկ աղանդի հավաքատեղին Փարաքարում է:

«Հավաքվում են միայն կանայք, թեյ են խմում, իսկ աղանդի պարագլուխը հակաքրիստոնեական քարոզներով է հանդես գալիս: Նրանց առաքելությունը Հայաստանից պետական գաղտնիք կորզելն է. նրանք քարոզում են թուրքերի հետ եղբայրություն անելու մասին»,- ասաց Հովհաննիսյանը` հավելելով, որ աղանդի ներկայացուցիչները կանանց միջոցով պետական պաշտոնյաներից «հայտնի եղանակներով» գաղտնիքներ են կորզում: