Ռուսաստանի Դաշնության նախագահ Վլադիմիր Պուտինը Հայաստան կայցելի դեկտեմբերի սկզբին: Այդ մասին երեկ հայտարարել է ՌԴ արտգործնախարար Սերգեյ Լավրովը` Էդվարդ Նալբանդյանի հետ համատեղ ասուլիսին:
«Էդվարդ Նալբանդյանի հետ մենք բանակցություններ վարեցինք, որոնք դիտարկում ենք որպես դեկտեմբերի սկզբին Հայաստանի Հանրապետություն ՌԴ նախագահի սպասվող այցի նախապատրաստական առանցքային փուլերից մեկը»,- ասել է Լավրովը: ՌԴ արտգործնախարարը նշել է, որ Եվրասիական տնտեսական հանձնաժողովի հետ բանակցությունները Մաքսային միությանը Հայաստանի անդամակցության վերաբերյալ ընթանում են ամբողջ թափով: «Մենք ամեն կերպ կաջակցենք, որպեսզի դրանք ավարտվեն ժամանակին»,- վստահեցրել է Լավրովը: