Կառավարության շենքի և ԱԳ նախարարության դիմաց խմբված դաշնակցակաների պահանջը նույնն է, ինչ վերջին 15 օրերին: Այսօր ցուցարարների քննարկումների թեման  նախագահ Սարգսյանի երեկվա ելույթն էր:

-Դա, պարզապես, աչքկապոցի էր,- ասում է դաշնակցական Ռազմիկը,- նա փորձում էր համոզել, որ ամեն ինչ արվում է ինչպես հարկն է և անհանգստանալու կարիք չկա:

ՀՅԴ նեկայացուցիչները  ունեն նույն համոզմունքը, որ փաստաթղթի ստորագրումը հղի է Հայաստանի համար անդառնալի հետևանքներով, ընդհուպ մինչև Ղարաբաղի կորուստը:  Այս հարցը համարելով համահայկական`    կոչ են անում բոլոր հայերին ավելի զգոն լինել, իսկ պետության ղեկավարներին` չստորագրել փաստաթղթերը, այլապես, սպառնում են, որ  ՀՅԴ-ն  պատրաստ է` «առաջ գնալ իր ձեռնարկումների մեջ և ավելի լուրջ քայլերի դիմել», իսկ թե ի՞նչ` ցուցարարները դեռ նախընտրում են լռել:

Կ.Պ.