Թուրքիայում երեկ մեկնարկել է Մեջլիսի աշնանային նստաշրջանը: Երկրի նախագահը   բացելով նիստն ու խորհրդարանականներին  ներկայացնելով առաջիկա օրակարգային   հարցերը, իր ելույթում շեշտել է,     որ  խորհրդարանի առաջնային հարցերից է լինելու քրդական խնդիրն ու հայ-թուրքական արձանագրությունների քննարկումը: Ապա հորդորել է մեջլիսականներին` լայնածավալ քննարկումներ իրականացնել և ընդունել ճիշտ որոշումներ:

Ըստ Թուրքիայի նախագահի, արձանագրությունները հնարավորություն են տալիս կարգավորել հարաբերությունները հարևան Հայաստանի հետ, սակայն դրանք ուժի մեջ կմտնեն, երբ Թուրքիայի խորհրդարանը վավերացնի այն:

Այս ամենով հանդերձ, Գյուլը կրկին ու կրկին թուրք խորհրդարանականներին  վստահեցրել է, որ Թուրքիայի կառավարությունը չի անտեսի Ադրբեջանի շահերը` Հայաստանի հետ բանակցություններում:

Հիշեցնեք, որ Թուրքիայի նախագահ Աբդուլա Գյուլն այսօր մեկնելու է Նախիջևան մասնակցելու թուրքալեզու պետությունների ղեկավարների հերթական հանդիպմանը:

Թուրքական լրատվամիջոցների համաձայն, Նախիջևանում Գյուլը Ադրբեջանի նախագահ Ի. Ալիևի հետ հանդիպման ժամանակ դարձյալ վերջինիս  կհավաստիացնի, որ իրենք եղբայր պետություններ են ու Հայաստանի հետ բանակցություններում Ադրբեջանի շահերը չեն ոտնահարվի:

Ք.Մ.

Թեգեր` Ադրբեջան, Գյուլ, Թուրքիա, շահեր