Մոսկվայի Բասմանի դատարանը փոխել է hայազգի բարերար, գործարար Լևոն Հայրապետյանի խափանման միջոցը` կալանքը փոխարինելով տնային կալանքով: Այս մասին հայտնում է ռուսական ТАСС գործակալության թղթակիցը: Ըստ տեղեկատվության, դատարանը վերջապես սույն որոշումը կայացրեց ելնելով ամբաստանյալի առողջական վիճակից: Դատարանը նկատի է առել այն հանգամանքը, որ Լևոն Հայրապետյանը տառապում է մի շարք ծանր հիվանդություններով` դիաբետ, քաղցկեղ, ինչպես նաև երկու անգամ սրտի կաթված է տարել. «Կալանքի մեջ մնալու հիմքեր այլևս չկան»,- հայտարարել է դատավորը` կալանավորումը փոխարինելով տնային կալանքով: