Հմուտ քաղաքական գործիչը նախագահի հրաժարականը պահանջելուց զատ շատ ավելի կարևոր  պահանջներ ունի ներկայացնելու, կարծում է  Րաֆֆի Հովհաննիսյանն ու հավելում, թե նախագահի հրաժարականի պահը իրականում պետք է հասունանա, քանի որ նախագահի կողմից այս պահին իրականացվող քայլն արդեն իսկ համարժեք է սեփական հրաժարականին:

«Պահանջել հնարավոր է ամեն ինչ, նաև երկրի նախագահի հրաժարականը, սակայն լինելով սկզբունքային քաղաքական գործիչ, Հայաստանի բոլոր նախագահներին  ընդդիմադիր եմ եղել, բայց  հրաժարականի պահանջի առումով կարծում են, որ այն պետք է նախ հասունանա` առարկայականորեն»,-ասում է Հովհաննիսյանը: Պետք է ծավալվեն կոնկրետ  գործողություններ, պետք է լինի հասարակական  միասնություն: Ինչ վերաբերում է ցանկություններին, ապա Ր. Հովհաննիսյանն անձամբ  չի ցանկանում, որ հասունանա նախագահի հրաժարականի պահը: Նա հավատացած է, որ նախագահը ևս չի ցանկանա հրաժարական տալ, բայց, ըստ նրա, այսօրվա գործողությունները ցույց են տալիս, թե վաղն ինչ հետևանքներ կարող են լինել: «Ինձ համար, որպես քաղաքացի, ցավալի է, որ մարդը, որը նվիրվել է Ղարաբաղյան շարժմանը, եղել է դրա կազմակերպիչներից մեկը և մեծ ծառայություններ է մատուցել Հայաստանին, այսօր կարող է սխալ գործել»:

Ա.Գ.