ՀԱՅՔ վերլուծական-տեղեկատվական կենտրոնը նոյեմբերի 15-ին հրավիրեց ասուլիս-քննարկում` <Ադրբեջանական սադրանքը պատերազմի վերսկսման վտանգ, հայկական կողմի հակաքայլերը> թեմայով:
Հյուրերն են՝ Արցախյան ազատամարտի հերոս, գեներալ-մայոր Արկադի Տեր-Թադևոսյանը (Կոմանդոս), ՊՆ նախկին նախարար Վաղարշակ Հարությունյանը, ՊՆ նախկին փոխնախարար Վահան Շիրխանյանը, քաղաքագետ Լևոն Շիրինյանը

ՍՏՈՐԵՎ ՆԵՐԿԱՅԱՑՆՈՒՄ ԵՆՔ ՏԱՐԲԵՐ ԼՐԱՏՎԱՄԻՋՈՑՆԵՐԻ ԱՐՁԱԳԱՆՔԸ

«Դադարել փոխզիջումների մասին խոսել և պահանջել ճանաչել պատերազմի արդյունքը». Վահան Շիրխանյանը դիրքորոշման կոշտացում է առաջարկում

Times.am
«Մենք ռազմական հաղթանակ տարել ենք, բայց դիվանագիտական՝ ոչ»,-ՀՀ պաշտպանության նախկին փոխնախարար Վահան Շիրխանյանն առաջարկում է Հայաստանին կտրուկ կերպով կոշտացնել ԼՂՀ-ի հարցում դիրքորոշումը, քանի որ Ադրբեջանն ապացուցեց, որ որպես բանակցային կողմ՝ վստահելի չէ, ուստի այս դեպքում շարունակել Ադրբեջանի խաղը, բացարձակ անթույլատրելի է:
«Պետք է պահանջենք ճանաչել պատերազմի արդյունքը՝ այնպիսին ինչպիսին այն կա, և որ ԼՂՀ-ը ստանա համապատասխան անկախ կարգավիճակ: Այսօրվանից պետք է դադարել փոխզիջումների մասին խոսել, որովհետև Ադրբեջանն ապացուցեց, որ նրանց հետ համատեղ ապրելն անհնար է, ինչի մասին խոսվում է Մադրիդյան սկզբունքներում»,- լրագրողների հետ հանդիպմանը շեշտեց Շիրխանյանը:

Հակադարձմանը, թե այս դեպքում պետք չէ՞, որ ՀՀ-ն ինքն առաջինը ճանաչի Արցախի անկախությունը և դրանով պարտադրի ուրիշներին, պաշտպանության նախկին փոխնախարարը պարզաբանեց.«Եթե մենք կարողանանք ստիպել Ադրբեջանին ընդունել պարտությունը, Արցախն ինքնըստինքյան անկախ կդառնա»:
Անդրադառնալով նոյեմբերի 12-ին ղարաբաղա-ադրբեջանական սահմանին Ադրբեջանի ԶՈւ-ի կողմից ԼՂՀ ՌՕՈՒ-ին պատկանող ուղղաթիռի խոցման փաստին, Վահան Շիրխանյանն այն չհամարեց բացառիկ՝ նկատելով, որ նման համարժեքության խախտում ադրբեջանական կողմը թույլ է տվել, բայց միջազգային հանրության կողմից համարժեք գործողություն, գնահատական չի եղել, այդ թվում՝ Ռուսաստանից: Միաժամանակ, վերջին վեց ամիսներին Ադրբեջանի ռազմական ակտիվության նպատակներից մեկը Վահան Շիրխանյանը համարեց ԵՏՄ-ին Հայաստանի անդամակցության ձախողումը:

Արցախի ԻԿԱՕ-ի անդամ չլինելը ռազմական հանցագործության հիմք չէ. Կոմանդոս

Times.am
Նոյեմբերի 12-ին կատարվել է ռազմական հանցագործություն՝ Ադրբեջանի ղեկավարության հրամանով. շարքային զինվորն առանց հրահանգի չէր կարող իրեն ուղղաթիռ խոցելու իրավունք վերապահել: Այսօր լրագրողների հետ հանդիպմանը հայտարարեց գեներալ-մայոր Արկադի Տեր-Թադևոսյանը՝ անդրադառնալով ադրբեջանական ԶՈւ-ի կողմից ԼՂՀ ՌՕՈՒ-ին պատկանող ուղղաթիռի խոցման փաստին՝ շեշտելով, որ Արցախի ԻԿԱՕ-ի անդամ չլինելը, բնավ, չի ենթադրում նմանատիպ գործողություն: Իսկ նպատակը մեկն է՝ ՀՀ-ին և Արցախին անընդհատ լարվածության մեջ պահել, ինչը բխում է Ադրբեջանի և ներքին, և արտաքին քաղաքականությունից:

Ինչ վերաբերում է Ադրբեջանի արտաքին գերատեսչության տարածած հաղորդագրությանը , որում ԼՂՀ-ը հայտարարվում է ոչ թռիչքային տարածք, Կոմանդոսը շեշտեց՝ օդային տարածքում միակ արգելքը, որը Ադրբեջանը կարող է դնել, դա օդային միջանցք չտրամադրելն է` միջազգային թռիչքների համար, իսկ Լեռնային Ղարաբաղի օդային տարածքը ոչ թռիչքային հայտարարելու իրավունք նա չունի:
Անդրադառնալով ներկա իրավիճակում հայկական կողմի անելիքին, Արկադի Տեր-Թադևոսյանը պնդեց, որ հայկական կողմը պետք է համաչափ և կոշտ պատասխան տա, ինչը կարելի է ասել ուշացել է.
«Մենք ռազմական գործողությունների ենք դիմում միայն այն ժամանակ, երբ իրենք հարձակվում են, բայց նախահարձակ չենք լինելում: Վստահ եմ, որ զինվորականները ճիշտ կմտածեն, թե ինչ է պետք է անել այս իրավիճակում՝ պատժելու ադրբեջանցիներին, որը չի լինի ստորություն»,- ասաց նա՝ նկատելով, որ հայկական կողմը երբեք առաջին գծում կանգնած շարքային զինվորին չի վնասում, ինչը կարվի նաև այս դեպքում, այսինքն՝ պետք է գնալ ավելի խորը:

Վաղարշակ Հարությունյան. Ուղղաթիռը եղել է շփման գծից առնվազն 1 կմ հեռավորության վրա

168.am

Ադրբեջանա-ղարաբաղյան սահմանին խոցված հայկական ՄԻ-24 ուղղաթիռը եղել է շփման գծից առնվազն 1 կմ հեռավորության վրա, ուստի Ադրբեջանի մեղադրանքներն անհիմն են,- այսօրվա ասուլիսում հայտարարեց ՀՀ Պաշտպանության նախկին նախարար Վաղարշակ Հարությունյանը: Նախևառաջ նա նկատեց, որ տեղի է ունեցել ոչ թե ագրեսիա (որովհետև ագրեսիան այն է, երբ հակառակորդի զինված ուժերը ներխուժում են քո տարածք), այլ զինադադարի կոպիտ խախտում:

Զինվորականի մեկնաբանությամբ` հայկական ուղղաթիռը, անկախ նրանից` մոտիկ է եղել շփման գծին, թե հեռու, թռչել է իր տարածքում, այնպես որ` այդ առումով հնարավոր չէ ղարաբաղյան կողմին որևէ մեղադրանք ներկայացնել: «Այդ հակաօդային պաշտպանության (ՀՕՊ) միջոցը «Իգլա» է կոչվում: Երբ մենք ուսումնասիրում ենք տեսանյութը, հստակ հասկանում ենք մի բան. այդ հրթիռի արագությունը 570 մ/վ է, և քանի որ կրակոցից հետո մինչև ուղղաթիռը հասնելը տևում է 3,4 վայրկյան, դա նշանակում է` ուղղաթիռը եղել է շփման գծից առնվազն 1 կմ հեռավորության վրա, այնպես որ, ծիծաղելի է Բաքվի հայտարարությունը, թե ՄԻ-24 ուղղաթիռը ներխուժել է Ադրբեջանի տարածք և փորձել է հարձակվել ադրբեջանական դիրքերի վրա»,- ասաց Վաղարշակ Հարությունյանը` ավելացնելով, որ տեսանյութում նաև հստակ երևում է, որ ուղղաթիռը մարտական զենք չի ունեցել:

Վաղարշակ Հարությունյանը նաև շեշտեց, որ Ադրբեջանն իրավունք չուներ խոցել հայկական ուղղաթիռը, եթե նույնիսկ այն անցներ շփման գիծը. «Ինչ տեսանկյունից էլ նայենք` Ադրբեջանը անթույլատրելի հանցագործություն է կատարել: Դեպքեր կարող են լինել. նա կարող է շեղվել, սա ավիացիա է` արագությունը մեծ, բայց նա չի հարձակվել, ավելին` նա զենք չի ունեցել: Դա անթույլատրելի է: Երբ Ստեփանակերտի օդանավակայանը պետք է բացվեր, իրենք հայտարարեցին, որ «մենք կխփենք», և եթե հիշում եք միջազգային արձագանքը, նույն ԻԿԱՕ-ն հայտարարեց, որ անթույլատրելի է ինքնաթիռը խփելը, եթե այն սպառնալիք չի ներկայացնում: Ինքնաթիռը խփում են մի դեպքում, երբ նա ներկայացնում է սպառնալիք»:

Գեներալ-մայոր Արկադի Տեր-Թադևոսյանը (Կոմանդոս) ևս կատարվածն անվանեց ռազմական հանցագործություն, որի համար մեղավոր են ոչ միայն զինվորականները, այլև Ադրբեջանի ղեկավարությունը. «Ադրբեջանն անընդհատ ուզում է մեզ լարված վիճակում պահել: Ադրբեջանի զինված ուժերը, Ադրբեջանի կառավարությունը չի պահպանում միջազգային իրավունքի որևէ նորմ: Խնդիրն այն է, որ այդ հրթիռը օգտագործելու համար, որով խոցեցին ուղղաթիռը, անհրաժեշտ է կառավարության թույլտվությունը. զինվորականները իրավունք ունեն կրակել միայն հրաձգային զինատեսակներից, այսինքն` դա քաղաքական որոշում է եղել»: Իսկ Պաշտպանության նախկին փոխնախարար Վահան Շիրխանյանն իր հերթին հայտարարեց, որ Հայաստանը պետք է փոխի իր դիրքորոշումը բանակցային գործընթացում և հանդես գա շատ ավելի կոշտ դիրքերից, որովհետև Ադրբեջանն այս քայլով ապացուցեց, որ անհուսալի գործընկեր է:

Քաղաքագետ Լևոն Շիրինյանի կարծիքով` ադրբեջանական կողմն օգտագործել է վերջին հանդիպումներում միջնորդների «խախաղության անատամ կոչերը» և հանկարծակիի բերել հայկական կողմին` փորձելով ռևանշ վերցնել «օգոստոսյան խայտառակ պարտությունից»: Նա նաև ավելացրեց, որ, իր տպավորությամբ, թուրք գեներալի` աքսակալի գործողումն Ադրբեջան կարող է կապված լինել այս միջադեպի հետ: «Հիմա ես ուզում հետևյալը հարցնել (Վրաստանում) ՆԱՏՕ-ի գրասենյակի դեսպան պարոն Ուիլիամ Լահյուին` ՆԱՏՕ-ի անդամ պետության հատուկ ստորաբաժանման ղեկավար գալիս և հրահանգավորո՞ւմ է ադրբեջանական բանակին: Եթե դա այդպես է, ՆԱՏՕ-ն համաձա՞յն է, որ ուկրաինական կոնֆլիկտային գոտուց բացի Ռուսաստանի դեմ ուղղված մի գոտի առաջանա: Սա հարց է, որին նրանք պիտի պատասխանեն, կա´մ ասեն, որ մենք գործ չունենք մեր դաշնակցի գործողության հետ, կա´մ էլ եզրակացություններ անեն, որովհետև մենք իրականում փայլուն հարաբերություններ ունենք ՆԱՏՕ-ի հետ,- նշեց Լևոն Շիրինյանը` ավելացնելով,- Սա արդյունք է նաև Ռուսաստանի անհասկանալի բանաձևի` 1920 թ. ապրիլից Չիչերինի որդեգրած բանաձևի` «բալանսավորել Ադրբեջան-Հայաստան փոխհարաբերությունները»,- Լենինին գրած նամակում ընդգծելով,- «անշուշտ Ղարաբաղ հայկական տարածք է, բայց քանի որ…» և այլն, և այլն, «մենք պարտավոր ենք երրորդ`չեզոք դատավորի դեր ստանձնել»: Սա բանաձև է, որով Ռուսաստանը մինչ օրս գործում է: Իրենք համաձա՞յն են Այսրկովկասում ունենալ տաք գոտի»:

ԱՐԱՄ ՍԱՐԳՍՅԱՆ

Ուղղաթիռը եղել է շփման գծից առնվազն 1 կմ հեռավորության վրա և չի ունեցել մարտական զենք. Վաղարշակ Հարությունյան

Times.am
Ղարաբաղա-ադրբեջանական սահմանին խոցված ԼՂՀ ՌՕՈՒ-ին պատկանող ՄԻ-24 ուղղաթիռը եղել է շփման գծից առնվազն 1 կմ հեռավորության վրա, ուստի Ադրբեջանի մեղադրանքները որևէ հիմնավորում և արդարացում չունեն: Մինչդեռ իրենք թույլ են տվել զինադադարի պայմանագրի խախտում: Այսօր լրագրողների հետ հանդիպմանը հայտարարեց ՀՀ Պաշտպանության նախկին նախարար Վաղարշակ Հարությունյանը՝ հավելելով, որ եթե անգամ հայկական ուղղաթիռը մոտիկ է եղել շփման գծին, այն խոցելը միջազգային նորմի և հրադադարի խախտում է, քանի որ ուղղաթիռն իրենից վտանգ չի ներկայացրել. տեսանյութում հստակ երևում է, որ այն մարտական զենք չի ունեցել, այլապես այն տեսանելի կլիներ:

«Այդ հակաօդային պաշտպանության (ՀՕՊ) միջոցը՝ «Իգլան», երբ մենք ուսումնասիրում ենք տեսանյութը, հստակ հասկանում ենք մի բան. այդ հրթիռի արագությունը 570 մ/վ է, և քանի որ կրակոցից հետո մինչև ուղղաթիռը հասնելը տևում է 3,4 վայրկյան, դա նշանակում է` ուղղաթիռը եղել է շփման գծիցառնվազն 1 կմ հեռավորության վրա, այնպես որ ծիծաղելի է Բաքվի հայտարարությունը, թե ՄԻ-24 ուղղաթիռը ներխուժել է Ադրբեջանի տարածք և փորձել է հարձակվել ադրբեջանական դիրքերի վրա: Երբ Ստեփանակերտի օդանավակայանը պետք է բացվեր, իրենք հայտարարեցին, թե կհարվածեն և նույն ԻԿԱՕ-ն արձագանքեց, որ անթույլատրելի է ինքնաթիռը խփելը, եթե այն սպառնալիք չի ներկայացնում: Ինքնաթիռը խփում են միայն այդ դեպքում, թե չէ դեպքեր կարող են լինել, երբ ուղղաթիռը կամ ինքնաթիռը հնարավոր է շեղվի, սա ավիացիա է` մեծ արագություն»,-մանրամասնեց ՀՀ պաշտպանության նախկին նախարարը՝ պնդելով, թե Ադրբեջանը պատրաստ չէ պատերազմի և նրա խնդիրը ՀՀ-ին և Արցախին մշտական լարվածության մեջ պահելն է:

Ինչ վերաբերում է միջազգային արձագանքին, Վաղարշակ Հարությունյանը չնայած կողմերին ուղղված կոչերին, դրանցում Ադրբեջանին ուղղված մեղադրանք է տեսնում, միևնույն ժամանակ հստակ է՝ մեր խնդիրը մենք պետք է լուծենք, իսկ այդ կառույցներն ընդամենն այս ճանապարհին որոշակի ռեսուրս են: Ըստ այդմ՝ բացի ռազմական պատասխանից, որի ուժգնության մեջ չպետք է կասկածել, ըստ զինվորականի, անհրաժեշտ է ուժեղացնել դիվանագիտությունը և բոլոր միջազգային հարթակներում ապացուցել, որ Ադրբեջանն է զինադադարի խախտողը, նա չպետք է իրեն անպատիժ զգա:

Դիտարկմանը, թե հայկական դիվանագիտությունից դուք մեծ ակնկալիքներ ունե՞ք, Վաղարշակ Հարությունյանն արձագանքեց, թե անկախ թույլ տրված սխալներից և արձանագրված թերություններից, մեր արտաքին դիվանագիտությունը եղել է ճիշտ և հիմնական ուղղությունը պահպանել է. «Ո՞ր հակամարտությունն է լուծվել 20 տարում: Դրա համար նախապայմաններ են հարկավոր: Ադրբեջանը չի համաձայնելու Արցախի անկախությանը կամ ՀՀ-ին միացմանը, մենք էլ Արցախի Ադրբեջանի կազմում լինելուն, ռազմական լուծումն էլ այս պահին հնարավոր չէ»,- ընդգծեց նա:

«Ադրբեջանցիները ո՛չ ուժ ունեն, ո՛չ էլ տղամարդկություն». Լևոն Շիրինյան
shabat.am

Այսօր «Հայք» վերլուծական-տեղեկատվական կենտրոնում ՊՆ նախկին փոխնախարար Վահան Շիրխանյանը հայտարարեց, որ Հայկական կողմի դիրքորոշումները հակամարտության բանակցային գործընթացներում պետք է փոխել եւ անցնել ավելի կոշտ քաղաքականության:

Ըստ նրա՝ մենք պետք է պահանջենք Ադրբեջանից՝ ճանաչել պատերազմի արդյունքը այնպիսին, ինչպիսին կա եւ ստանալ Արցախի համար համապատասխան կարգավիճակ՝ անկախություն. «Վստահել գործընկերոջն ու շարունակել իրենց խաղը, մեզ համար անթույլատրելի է: Ինչո՞ւ մենք պետք է կորուստներ ունենանք խարդախ գործընկերոջ պատճառով»:

Իսկ քաղաքագետ Լևոն Շիրինյանի կարծիքով՝ ադրբեջանական կողմը փորձեց ռևանշ վերցնել օգոստոսյան դեպքերից հետ. «Նրանք չեն հանգստանալու եւ, օգտվելով միջնորդների անատամ կոչերից, հայկական կողմին անակնկալի բերեցին: Սա նաեւ ՌԴ մեղքն է, որը 1920թ. ի վեր Չիչերինի որդեգրած քաղաքականությունն է շարունակում՝ բալանսավորել հայ-ադրբեջանական հարաբերությունները: ԼՂՀ ուղղաթիռի ոչնչացումը շարքային որոշում չէ եւ ոչ էլ խուլիգանություն: Բանակն անպայման պետք է պատասխանի, անգամ եթե պատերազմ լինի. այստեղ դրված է մեր ազգային արժանապատվության հարցը, քանի որ Ադրբեջանը կօգտվի ու կգնա էլ ավելի առաջ: Բանակը պետք է գործողություններ անի»:

Նա վստահ է՝ այստեղ Թուրքիայի մատը խառն է. «Քանի որ ադրբեջանցիները ո՛չ ուժ ունեն, ո՛չ էլ տղամարդկություն»:

«Գործ ունենք խարդախ եւ անազնիվ հարեւանի հետ». Վահան Շիրխանյան

Ալիսա Գեւորգյան , Ռադիոլուր»
Զորավարժություն իրականացնող հայակական ուղղաթիռի խոցմամբ Ադրբեջանը հերթական անգամ ապացուցեց, որ գործ ունենք ծայրաստիաճան խարդախ ու անազնիվ գուրծընկերոջ հետ, ով պատրաստ է խախտել ցանկացած պայմանագիր ու միջազգային նորմ: Ադրբեջանն ամեն օր ապացուցում է, որ համատեղ իր հետ ապրելն անհար է, ուստի ժամանակն է, որպեսզի Հայաստանը կոշտացնի իր դիրքորոշումը բանակցային գործընթացում: Հայկական կողմը պետք է պահանջ դնի ճանաչել պատերազմի արդյունքն և Արցախի անկախությունը»,-այսօր նման տեսակել է հայտնել պաշտպանության նախկին փոխնախարար Վահան Շիրխանյանը: Ադրբեջանական վերջին նենգ սադրանքին արձագանքել են նաև գեներալ- մայոր Արկադի Տեր Թադևոսյանը, ՊՆ նախկին նախարար Վաղարշակ Հարությունյանն ու քաղաքագետ Լևոն Շիրինյանը:

«Սա ռազմական հանցագործություն է, որի մեղավորը ոչ միայն զինվորականներն են, այլև Ադրբեջանի իշխանությունը»,-գեներալ-մայոր Արկադի Տեր Թադևոսյանը համոզված է՝ հայկական ուղղաթիռը խոցվել է Ադրբեջանի իշխանությունների որոշմամբ և խնդիրը պետք է դառնա հետաքննության առարկա: Ադրբեջանի սադրանքին հայկական կողմի արձագանքն, ըստ նրա, պետք է լինի համարժեք և ռազմական, և դիվանագիտական ոլորտներում: Պաշտպանության նախկին նախարար Վաղարշակ Հարությունյանը կատարվածը բնորոշում է զինադադարի պայմանագրի կոպիտ խախտում Ադրբեջանի կողմից: Ըստ նրա, չնայած դիվանագիտական բառապաշարի զսպվածությանը, միջազգային արձագանքներում ևս նկատելի են Ադրբեջանին հասցեագրված մեղադրանքները
«Հասկանալով, որ ռազմական ճանապարհով խնդրի լուծումն իր համար անհնար է, Ադրբեջանը պարզապես փորձում է մշտական լարվածության մեջ պահել սահմանը, ստեղծել վախի մթնոլորտ ու դրանով հասնել իր նպատակներին, ինչը անհնար է, ինչպես փաստում են հայկակական բանակի պատասխանները»,-ասում է պաշտպանական գերատեսչության նախկին ղեկավարը, ում համոզմամբ հայկական կողմի համար Արցախի հարցն , ըստ էության, լուծված է, մնացածը՝ Ադրբեջանի խնդիրն է:

«Ադրբեջանը հերթական անգամ ապացուցեց, որ գործ ունենք ծայրաստիաճան խարդախ ու անազնիվ գուրծընկերոջ հետ, ով պատրաստ է խախտել ցանկացած պայմանագիր ու միջազգային նորմ»,-անդրադառնալով Ադրբեջանի կողմից հայկական ուղղաթիռի ոչնչացմանը, նշում է պաշտպանության նախկին փոխնախարար Վահան Շիրխանյանը : Ըստ նրա՝ Հայաստանը պետք է համապատասխան հետևություններ անի և կոշտացնի իր դիրքորոշումը բանակցային գործընթացում՝պահանջելով ճանաչել պատերազմի արդյունքն և Արցախի անկախությունը:

Խիստ կտրուկ և վճռական են նաև քաղաքագետ Լևոն Շիրինյանի ձևակերպումները: Ըստ նրա հայակական բանակը պետք է լուրջ գործողություններ իրականացնի:

Կատարվածը ռազմական հանցագործություն է. Կոմանդոս

a1plus.am

Ադրբեջանն ուզում է մեզ պահել լարվածության մեջ: Այսօր Հայք վերլուծական-տեղեկատվական կենտրոնում, խոսելով «Ադրբեջանական սադրանքը պատերազմի վերսկսման վտանգ, հայկական կողմի հակաքայլերը» թեմայի շուրջ նշեց Արցախյան ազատամարտի հերոս, գեներալ-մայոր Արկադի Տեր-Թադևոսյանը՝ Կոմանդոսը:
Ըստ նրա՝ Ադրբեջանը որեւէ նորմի չի ենթարկվում, եւ օրեր առաջ ԼՂՀ ուղղաթիռի ոչնչացումը Ադրբեջանի կողմից կարող է լինել կառավարական որոշում. «Այդ հանցագործութան համար ոչ միայն զինվորականներն են մեղավոր, այլեւ կառավարությունը, եւ պետք է դրա համար հետաքննություն անցկացնել: Սա ռազմական հանցագործություն է»:

ՊՆ նախկին նախարար Վաղարշակ Հարությունյանի համոզմամբ՝ մենք պետք է հասկանանք՝ ինչ է տեղի ունեցել. «Ոչ թե ագրեսիա է տեղի ունեցել, քանի որ ագրեսիան դա այն է, երբ հակառակորդի ուժերը ներթափանցում են քո տարածք, այլ Ադրբեջանի կողմից զինադադարի ռեժիմի կոպիտ խախտում: Անկախ նրանից, թե ինքնաթիռը ինչքան է մոտեցել հայ-ադրբեջանական սահմանին, քանի որ այստեղ որեւէ սահմանափակում լինել չի կարող, հայկական կողմին որեւէ մեղադրանք ներկայացնել հնարավոր չէ: Տեսաերիզում հստակ երեւում է, որ ուղղաթիռը չունի մարտական զենք ու չի մտել ադրբեջանական տարածք: Որեւէ հիմնավորում ադրբեջանական կողմից չի կարող ճիշտ լինել»:
Պարոն Հարությունյանը հիշեցրեց միջազգային հանրության արձագանքը, որը միանշանակ մեղադրեց Ադրբեջանին, որ ԼՂՀ-ում ոչնչացվել է ուղղաթիռ, որը կատարում էր ուսումնական թռիչք. «Նիկոլայ Բորդյուժան եւս ասել է, որ սա բերելու է հակամարտության լարման: Բանն այն է, որ Ադրբեջանը չի կարող ռազմական ճանապարհով հարցին լուծում տալ, դրա համար վախի մթնոլորտ է փորձում սերմանել»:

Պետք է անցնել կոշտ քաղաքականության. Վահան Շիրխանյան

a1plus.am
Հայկական կողմի դիրքորոշումները հակամարտության բանակցային գործընթացներում պետք է փոխել եւ անցնել ավելի կոշտ քաղաքականության: Այսօր «Հայք» վերլուծական-տեղեկատվական կենտրոնում հայտարարեց ՊՆ նախկին փոխնախարար Վահան Շիրխանյանը:
Ըստ նրա՝ մենք պետք է պահանջենք Ադրբեջանից՝ ճանաչել պատերազմի արդյունքը այնպիսին, ինչպիսն կա եւ ստանալ Արցախի համար համապատասխան կարգավիճակ՝ անկախություն. «Վստահել գործընկերոջն ու շարունակել իրենց խաղը, մեզ համար անթույլատրելի է: Ինչո՞ւ մենք պետք է կորուստներ ունենսնք խարդախ գործընկերոջ պատճառով»:

Իսկ քաղաքագետ Լեւոն Շիրինյանի կարծիքով՝ ադրբեջանական կողմը փորձեց ռեւանշ վերցնել օգոստոսյան դեպքերից հետ. «Նրանք չեն հանգստանալու եւ օգտվելով միջնորդների անատամ կոչերից՝ հայկական կողմին անակնկալի բերեցին: Սա նաեւ ՌԴ մեղքն է, որը 1920թ. ի վեր Չիչերինի որդեգրած քաղաքականությունն է շարունակում՝ բալանսավորել հայ-ադրբեջանական հարաբերությունները: ԼՂՀ ուղղաթիռի ոչնչացումը շարքային որոշում չէ եւ ոչ էլ խուլիգանություն: Բանակն անպայման պետք է պատասխանի, անգամ եթե պատերազմ լինի. այստեղ դրված է մեր ազգային արժանապատվության հարցը, քանի որ Ադրբեջանը կօգտվի ու կգնա էլ ավելի առաջ: Բանակը պետք է գործողություններ անի»:
Նա վստահ է՝ այստեղ Թուրքիայի մատը խառն է. «Քանի որ ադրբեջանցիները ոչ ուժ ունեն, ոչ էլ տղամարդկություն»:

«Մենք պետք է Ադրբեջանից պահանջենք ճանաչել պատերազմի արդյունքը և դադարենք խոսել փոխզիջումների մասին»
www.1in.am

Արցախի հերոս, գեներալ-մայոր Արկադի Տեր-Թադևոսյանի կարծիքով՝ Ադրբեջանի կողմից հայկական ուղղաթիռի խոցումը Ադրբեջան պետության որոշումն էր և կոնկրետ այդ սադրանքն իրագործողների: Նա նման տեսակետ հայտնեց այսօր «Թեքեյան» կենտրոնում հրավիրված քննարկման ժամանակ:
Իր հերթին ՀՀ պաշտպանության նախկին նախարար Վաղարշակ Հարությունյանը ընդգծեց, որ այն, ինչ տեղի է ունեցել, պետք է որակել ոչ այնքան որպես ագրեսիա, որքան Ադրբեջանի կողմից հրադադարի կոպիտ խախտում. «Ադրբեջանը տարածքի վերաբերյալ սահմանափակում չի կարող մտցնել, ղարաբաղյան կողմին հնարավոր չէ մեղադրանք ներկայացնել:
Նրանք սկզբում հայտարարեցին, որ ուղղաթիռը փորձել է հարվածել ադրբեջանական դիրքերին, և իրենք ստիպված են եղել ոչնչացնել այն. ակնհայտ է և ապացուցվել է, որ ուղղաթիռը չի մտել Ադրբեջանի տարածք: Բացի այդ՝ ակնհայտ երևում է, որ ուղղաթիռը մարտական զենք չի ունեցել, այնպես որ՝ իրենց որևէ հիմնավորում չի կարող աշխատել»:
Հարությունյանն ընդգծեց՝ եթե ուսումնասիրենք միջազգային կազմակերպությունների արձագանքը, ապա ակնհայտ է, որ նրանք ևս Ադրբեջանին են մեղադրում:
«Նայենք ՀԱՊԿ գլխավոր քարտուղար Նիկոլայ Բորդյուժայի հայտարարությունը. նա ասում է, որ ուղղաթիռի ոչնչացումը կհանգեցնի հակամարտության լարման, պարզապես դիվանագիտական ձևակերպում է, որ խաղաղության վերաբերյալ կոչերում Հայաստանին էլ են նշում»:

Նրա դիտարկմամբ՝ Ադրբեջանը պարզապես ուզում է հայկական կողմին պահել լարման մեջ, սակայն պատերազմը սկսելու պատրաստվածություն չունի՝ ո՛չ պետությունը, ո՛չ բանակը և ո՛չ էլ նույնիսկ ժողովուրդը:
Պաշտպանության նախկին փոխնախարար Վահան Շիրխանյանն էլ ընդգծեց, թե չի կարծում, որ սա բացառիկ դեպք է, որովհետև մեր հարևանը ծայրաստիճան անհուսալի ու անազնիվ գործընկեր է. «Որպես բանակցային կողմ՝ Ադրբեջանին վստահել չի կարելի, որովհետև նա ապացուցել է, որ պայմանավորվածություն խախտող է, իսկ մենք այդ ամենից պետք է հետևություններ անենք:

Ես չեմ կարող ասել, որ սա բացառիկ դեպք է. եթե ուղղաթիռ չեն խփել, եղել են այլ դեպքեր: Մենք պետք է կտրուկ փոխենք մեր դիրքորոշումները բանակցային գործընթացներում: Մենք պետք է պահանջենք ճանաչել պատերազմի արդյունքը՝ այնպիսին, ինչպիսին կա, տանք համապատասխան կարգավիճակ Արցախի տարածքին: Մեզ համար անթույլատրելի է այս որակի բանակցությունները շարունակել անազնիվ գործընկերոջ հետ: Պետք է դադարենք փոխզիջումների մասին խոսել»:

Վաղարշակ Հարությունյան. Ադրբեջանը կոպտորեն խախտել է Զինադադարի պայմանագիրը
NEWS.am
Ադրբեջանը իր քայլով հստակ ցույց տվեց, որ մշտապես ցանկանում է հայկական կողմերին լարվածության մեջ պահել: Այս մասին նոյեմբերի 15-ի մամուլի ասուլիսում հայտարարել է ՀՀ պաշտպանության նախկին նախարար Վաղարշակ Հարությունյանը՝ մեկնաբանելով ադրբեջանական ուժերի կողմից ԼՂՀ ՌՕՈՒ օդանավի խոցման միջադեպը:
Ըստ նրա՝ խոսքը Ադրբեջանի կողմից Զինադադարի պայմանագիրը կոպտորեն խախտելու մասին է: Անկախ նրանից՝ որտեղով էր թռչում ուղղաթիռը, շփման գծին մոտ, թե հեռու, այն իր տարածքում էր: Ապացուցված է, որ ուղղաթիռն ադրբեջանական տարածք չի մտել»,- ընդգծել է Վաղարշակ Հարությունյանը:

Բացի այդ, հավելել է նա, ուղղաթիռը զինված չի եղել, եւ ադրբեջանական կողմը որեւէ հիմք ունենալ չի կարող: «Եթե դիտարկենք միջազգային կառույցների արձագանքը, ակնհայտ է, որ նրանք մեղադրում են Ադրբեջանին: Միջազգային հանրությունը հստակ պատկերացնում է, թե ինչ է կատարվել եւ ով է մեղավորը»,- նշել է նախկին նախարարը՝ հավելելով, սակայն, որ քանզի այդ կառույցները միջազգային առաքելություն են կատարում, հանդես են գալիս նման հայտարարություններով:

Պետք է կոշտացնել մեր դիրքորոշումը. Վահան Շիրխանյան
Newsbook.am

Այսօր լրագրողների հետ հանդիպման ժամանակ ՀՀ պաշտպանության նախկին փոխնախարար Վահան Շիրխանյանն ասաց, որ բանակցային գործընթացում Հայաստանը պետք է կտրուկ կոշտացնի իր դիրքորոշումը: «Մենք պետք է կտրուկ փոխենք մեր դիրքորոշումները բանակցային գործընթացում: Պետք է շատ ավելի չոր դիրքերից հանդես գալ: Ադրբեջանի լեզուն հասկանալն անհնարին և անթույլատրելի բան է: Մենք պետք է պահանջենք Ադրբեջանին ճանաչել պատերազմի արդյունքն այնպիսին, ինչպիսին կա` ստանալ համապատասխան անկախության կարգավիճակ: Եթե մենք կարողանանք ստիպել Ադրբեջանին ընդունել պարտությունն, ապա ինքնըստինքյան Արցախն անկախ է դառնում: Մեր թշնամին Ադրբեջանն է, որը ոչ միայն չի ճանաչում իր պարտությունը, այլ փորձում է հակառակը` խաղալ»,- ասաց Վահան Շիրխանյանը և հավելեց, որ վստահել ու շարունակել իրենց խաղը` մեզ համար անթույլատրելի է: «Ինչո՞ւ մենք պետք է կորուստներ կրենք խարդախ հարևան ունենալու պատճառով»,- ավելացրեց պաշտպանության նախկին փոխնախարարը:

Շիրխանյանը չի կարծում, որ այդ դեպքը պետք է բացառիկ դեպքերի մեջ ընդգրկել. «Մենք ունենք ծայրաստիճան անազնիվ հարևան: Նա տասնյակ անգամ ապացուցել է, որ խախտող է: Այստեղ մենք պետք է հետևություններ անենք»,- նշեց նա: Շիրխանյանը համոզված է, որ առաջին հերթին պետք է ակտիվանա դիվանագիտությունը: «Մենք ռազմական հաղթանակ տարել ենք, բայց դիվանագիտական` ոչ: Այսօրվանից պետք է դադարել մտածել փոխզիջումների մասին: Ադրբեջանն ամեն օր ապացուցում է, որ իրենց հետ համատեղ ապրել անհնար է: Իրենք ուխտադրուժ, խարդախ խախտողներ են: Մենք այլևս հավատ չունենք իրենց նկատմամբ»,- ամփոփեց Շիրխանյանը` հավելելով, որ դժգոհ է միջազգային հանրության արձագանքից: Հիշեցնենք, որ ԼՂՀ ՊՆ-ի փոխանցմամբ՝ ԼՂՀ ՌՕՈւ «Մի-24» ուղղաթիռը ադրբեջանական ԶՈւ-ի կողմից հրադադարի ռեժիմի խախտման արդյունքում խոցվել էր նոյեմբերի 12-ին` ժամը 13.45-ի սահմաններում` ուսումնավարժական թռիչքի ժամանակ:

Մեր պատասխանն ուշացել է. Կոմանդոս
Newsbook.am
Արցախյան ազատամարտի հերոս, գեներալ-մայոր Արկադի Տեր-Թադևոսյանն այսօր լրագրողների հետ հանդիպման ժամանակ, անդրադառնալով Ադրբեջանի կողմից օրեր առաջ խոցված ուղղաթիռի դեպքին, ասաց, որ Ադրբեջանն, ինչպես միշտ, փորձում է մեզ պահել լարվածության և վախի մթնոլորտում: «Սահմանին լարվածություն ստեղծելը նրանց և՛ ներքին, և՛ արտաքին քաղաքականությունն է:

Խնդիրն այն է, որ և՛ ռազմական տեսանկյունից, և՛ քաղաքական տեսանկյունից ադրբեջանական իշխանությունը միջազգային իրավունքի ոչ մի նորմի չի հետևում: Ուղղաթիռի խոցումը իշխանության հրամանով է եղել: Այս հանցագործության մեջ մեղավոր են ոչ միայն զինվորականները, այլև իշխանությունը»,- նշեց Կոմանդոսը: Նրա խոսքով` օդային տարածքում միակ արգելքը, որ Ադրբեջանը կարող է դնել, օդային միջանցք չտրամադրելն է` միջազգային թռիչքների համար: «Իսկ Լեռնային Ղարաբաղի օդային տարածքը ոչ թռիչքային հայտարարելու իրավունք Ադրբեջանը չունի»,- ընդգծեց նա: Գեներալ-մայորը կարծում է, որ մեր պատասխանն ուշացել է և պետք էր հենց այդ ժամանակ պատասխանել Ադրբեջանին: «Ռազմական և դիվանագիտական ճանապարհով պետք է պատասխանը տալ: Ես կարծում եմ` այդ հարցը այստեղ և Արցախում կքննարկեն»,- ընդգծեց Կոմանդոսը:

Մենք խուսափում ենք խփել այնտեղ, որտեղ Ադրբեջանի կենսական շահերն են. Լևոն Շիրինյան

Newsbook.am
Ադրբեջանական կողմը փորձեց ռևանշ վերցնել օգոստոսյան իրադարձություններից և իրենց խայտառակ իրավիճակից: Այսօր լրագրողների հետ հանդիպման ժամանակ նման տեսակետ հայտնեց քաղաքագետ Լևոն Շիրինյաննˋ անդրադառնալով օրեր առաջ Արցախում ադրբեջանի կողմից խոցված ուղղաթիռի դեպքին: «Ես բազմից առիթներ ունեցել եմ ասելու, որ սրանք չեն հանգստանալու: Օգտագործեցին միջնորդների խաղաղության անատամ կոչերը և հայկական կողմին հանկարծակիի բերեցին: Սա վստահաբար կարող եմ ասել»,- նշեց Շիրինյանը: Ըստ քաղաքագետի` ղարաբաղյան հարցի քաղաքական լուծումը շատ հեռու է: «Պատրանքների մեջ չընկնենք: Աշխարհի խոշոր պետություններին հարկավոր է կառավարելի հակամարտությունˋ Արցախը լավ կառավարելու համար: Ես կարծում եմ, որ ռազմական ոլորտում մի քիչ տեղաշարժ է լինելու:

Եթե մենք այս պատասխանը չտվեցինք, սպասեցինք քաղաքական որոշման, ապա ոչ մի բան էլ չի լինելու, ավելի վատ է լինելու: Մեզ պատերազմով թող չվախեցնեն: 100-200 տարի է մեզ պատերազմով են վախեցնում»,- ասաց քաղաքագետը և ակնարկեց, որ պետք է լինի հարված, որը ռազմավարական նշանակություն ունի Ադրբեջանի համար: «Ադրբեջանի համար ցավոտ հարցեր են նավթի հետ կապված խնդիրները: Քրիստոնյա աշխարհի բոլոր դիվանագետների դիմաց պետք է դրվի փաստաթուղթ և ստորագրվի, որ եթե Հայաստանը կանգնում է փաստի առաջ, ապա կոմունիկացիաները, վառելիքի տեղափոխումը դառնում են խնդրահարույց: Իսկ հիմա չեն խոսում այդ մասին, որովհետև մենք խուսափում ենք խփել այնտեղ, որտեղ կենսական շահեր կան»,- ամփոփեց քաղաքագետ Լևոն Շիրինյանը:

Որպես բանակցային կողմ` ադրբեջանին վստահելն անմտություն

armlur.am

Արցախի հերոս, գեներալ-մայոր Արկադի Տեր-Թադևոսյանի կարծիքով՝ Ադրբեջանի կողմից հայկական ուղղաթիռի խոցումը Ադրբեջան պետության որոշումն էր և կոնկրետ այդ սադրանքն իրագործողների: Նա նման տեսակետ հայտնեց այսօր «Թեքեյան» կենտրոնում հրավիրված քննարկման ժամանակ: ՀՀ պաշտպանության նախկին նախարար Վաղարշակ Հարությունյանի բնորոշմամբ` այն, ինչ տեղի է ունեցել, պետք է որակել ոչ այնքան որպես ագրեսիա, որքան Ադրբեջանի կողմից հրադադարի կոպիտ խախտում. «Ադրբեջանը տարածքի վերաբերյալ սահմանափակում չի կարող մտցնել, ղարաբաղյան կողմին հնարավոր չէ մեղադրանք ներկայացնել: Նրանք սկզբում հայտարարեցին, որ ուղղաթիռը փորձել է հարվածել ադրբեջանական կողմին, և իրենք ստիպված, առանց այլ ելք ունենալու ոչնչացրեցին այն. ակնհայտ է և արդեն ապացուցված է, որ ուղղաթիռը չի մտել Ադրբեջանի տարածք:

Բացի այդ՝ պետք է ընդգծել մի շատ կարևոր հանգամանք` ակնհայտ երևում է, որ ուղղաթիռը մարտական զենք չի ունեցել, այնպես որ՝ իրենց որևէ հիմնավորում չի կարող աշխատել»: Հարությունյանն ընդգծեց՝ եթե ուսումնասիրենք միջազգային կազմակերպությունների արձագանքը, ապա ակնհայտ է, որ նրանք ևս Ադրբեջանին են մեղադրում: «ՀԱՊԿ գլխավոր քարտուղար Նիկոլայ Բորդյուժայի հայտարարության մեջ ասվում է, որ ուղղաթիռի ոչնչացումը կհանգեցնի հակամարտության լարման, պարզապես դիվանագիտական ձևակերպում է, որ խաղաղության վերաբերյալ կոչերում Հայաստանին էլ են նշում»,-ասաց Շիրխանյանը:

Նրա դիտարկմամբ՝ Ադրբեջանը պարզապես մեկ նպատակ ունի` ուզում է հայկական կողմին պահել լարման մեջ, սակայն, պատերազմը սկսելու պատրաստվածություն չունի ո՛չ իրենց պետությունը, ո՛չ բանակը և ո՛չ էլ նույնիսկ ժողովուրդը: Պաշտպանության նախկին փոխնախարար Վահան Շիրխանյանն էլ ընդգծեց, թե չի կարծում, որ սա բացառիկ դեպք է, որովհետև մեր հարևանը ծայրաստիճան անհուսալի ու անազնիվ գործընկեր է. «Որպես բանակցային կողմ՝ Ադրբեջանին վստահել չի կարելի, որովհետև նա ապացուցել է, որ պայմանավորվածություն խախտող է, իսկ մենք այդ ամենից պետք է հետևություններ անենք: Ես չեմ կարող ասել, որ սա բացառիկ դեպք է. եթե ուղղաթիռ չեն խփել, եղել են այլ դեպքեր:

Մենք պետք է կտրուկ փոխենք մեր դիրքորոշումները բանակցային գործընթացներում: Մենք պետք է պահանջենք ճանաչել պատերազմի արդյունքն այնպիսին, ինչպիսին կա, տանք համապատասխան կարգավիճակ Արցախի տարածքին: Մեզ համար անթույլատրելի է այս որակի բանակցությունները շարունակել նման անազնիվ կողմի հետ: Պետք է դադարենք փոխզիջումների մասին խոսել: Դա միայն բացասական ազդեցություն կարող է ունենալ»:

Սա ոչ թե ագրեսիա է, այլ զինադադարի կոպիտ խախտում.Վաղարշակ Հարությունյան
aravot.am

«Ադրբեջանն անընդհատ փորձում է մեր սահմանները լարված վիճակում պահել. սա իրենց մեթոդն է: Նրանց զինված ուժերն ու կառավարությունը միջազգային նորմերը չեն պահպանում: Կատարվել է ռազմական հանցագործություն, ու մենք պարտավոր ենք հետաքննություն անցկացնել»,-այսօր «Հայք» վերլուծական-տեղեկատվական կենտրոնում լրագրողների հետ հանդիպման ժամանակ ասաց գեներալ-մայոր Արկադի Տեր-Թադևոսյանը՝ անդրադառնալով նոյեմբերի 12-ին հրադադարի խախտման արդյունքում ադրբեջանական ԶՈՒ-ի կողմից ԼՂՀ ՌՕՈՒ «Մի-24» ուղղաթիռի խոցմանը: Պաշտպանության նախկին նախարար Վաղարշակ Հարությունյանը շեշտեց, որ նախ պետք է հասկանալ՝ ինչ է տեղի ունեցել. սա ոչ թե ագրեսիա է, այլ զինադադարի կոպիտ խախտում. «Ակնհայտ է, որ ուղղաթիռը չի մտել Ադրբեջանի տարածք:

Տեսաերիզում հստակ երևում է, որ ուղղաթիռը չունի մարտական զենք: Այնպես որ իրենց կողմից ոչ մի հիմնավորում ու բացատրություն չի կարող լինել: Միջազգային կազմակերպությունների արձագանքներին հետևելով՝ տեսնում ենք, որ Ադրբեջանն է մեղադրվում: Նրանք նույնպես ընդունում են, որ թռիչքն ուսումնական է եղել, և ուղղաթիռը խոցվել է ոչ թե Ադրբեջանի, այլ Արցախի տարածքում»,-ասաց նա: ՀՀ պաշտպանության նախկին փոխնախարար Վահան Շիրխանյանը կարծում է, որ Հայաստանը բանակցային գործընթացում պետք է կոշտացնի իր դիրքորոշումները: Ըստ նրա, Ադրբեջանի ռազմական լեզուն հասկանալը անհնարին է ու անթույլատրելի: Ադրբեջանից պետք է պահանջել ճանաչել պատերազմի արդյունքն այնպիսին, ինչպիսին է ու ստանալ համապատասխան անկախության կարգավիճակ. «Եթե մենք կարողանանք ստիպել Ադրբեջանին ընդունել պարտությունը, Արցախն ինքնըստինքյան անկախ կդառնա: Ինչո՞ւ մենք պետք է կորուստներ կրենք խարդախ հարևան ունենալու պատճառով: Չեմ կարծում, որ ուղղաթիռին հարվածելը պետք է բացառիկ դեպք համարել՝ ծայրաստիճան անազնիվ հարևան ունենալու պարագայում:

Նա տասնյակ անգամ ապացուցել է, որ կարող է խախտել զինադադարը: Ունենք ռազմական հաղթանակ, բայց դիվանագիտական՝ ոչ: Պետք է մոռանանք փոխզիջումների մասին ու ամրացնել դիվանագիտական պաշտպանությունը»,-ասաց նա: Սյունե Սևադա

Լևոն Շիրինյան. «Ադրբեջանցիները ոչ ընդունակություն ունեն, ոչ ուժ ունեն, ոչ էլ տղամարդկություն, առհասարակ բարոյականություն չունեն»

nyut.am

Քաղաքագետ Լևոն Շիրինյանը կարծում է, որ Ադրբեջանի ստեղծած վերջին իրադարձություններից հետո հայկական բանակը անպայմանորեն պետք է պատասխանի, նույնիսկ, եթե պատերազմ է լինելու. «Ինձ թվում է` ադրբեջանական կողմը փորձեց ռևանշ վերցնել օգոստոսյան իրադարձություններից, իրենց խայտառակ վիճակից: Ես առիթ ունեցել եմ ասելու, որ իրենք չեն հանգստանալու: Օգտագործեցին միջնորդների խաղաղության անատամ կոչերը և հայկական կողմին հանկարծակիի բերեցին: Ես ուզում եմ մի ուրիշ բանի վրա ուշադրություն դարձնել, որ դուրս է գալիս տարածաշրջանի խնդիրներից:

Մենք գիտենք, որ Ուկրաինայում իրադրությունը չի կայունանում և Ռուսաստանը չի հանգստանում: Ինձ թվում է սրա հետ է կապված թուրք գեներալի գործուղումը հայ-ադրբեջանական կոնֆլիկտի գոտի: Նույնիսկ ես մտածեցի, որ իրենք մի բան նախապատրաստում են: Ես ուզում եմ հետևյալը հարցնել ՆԱՏՕ-ի գրասենյակի դեսպան պարոն Ուիլյամ Լահյուին, ՆԱՏՕ-ի անդամ պետության հատուկ ստորաբաժանումների ղեկավարը գալիս և հրահանգավորու՞մ է ադրբեջանական բանակը: Հիմա հարց է, եթե դա այդպես է ՆԱՏՕ-ն համաձա՞յն է, որ ուկրաինական կոնֆլիկտային գոտուց բացի Ռուսաստանի դեմ ուղղված մի գոտի առաջանա, սա հարց է, որ նրանք պետք է պատասխանեն: Մենք իրականում ունենք փայլուն հարաբերություններ ՆԱՏՕ-ի հետ:

Երկորոդ հարցը հետևյալն է. սա արդյունք է նաև Ռուսաստանի անհասկանալի 1920 թ-ի ապրիլից որդեգրած Չիչերինի բանաձևի. բալանսավորել Հայաստան-Ադրբեջան փոխհարաբերությունները, ընդգծելով Լենինին գրած նամակում, որ անշուշտ Ղարաբաղը հայակական իսկական տարածք է, բայց որոշ պատճառներով մենք պարտավոր ենք երրորդ չեզոք դատավորի դեր ստանձնել: Սա բանաձև է, որ Ռուսաստանում դեռ գործում է: Հայ ժողովրդի արժանապատվությունը, հանրապետության անվտանգությունը դրված է խաղաքարտի վրա, եթե թուրքը պատասխան չստանա գնալու է առաջ և գործողություն պետք է անի ռազմաստրատեգիական ուղղություններով: Ես կարծում եմ, որ Ադրբեջանի ամենաթույլ կողմը կոմունիկացիաներն են:

Ըստ պարոն Շիրինյանի՝ Թուրքիան կապ ունի այս իրադարձությունների հետ. «Ես ենթադրում եմ, որ թուրքերի մատը խառն է, որովհետև ադրբեջանցիները ոչ ընդունակություն ունեն, ոչ ուժ ունեն, ոչ էլ տղամարդկություն, առհասարակ բարոյականություն չունեն»:

Սա ռազմական հանցագործություն է, և հետաքննություն է պետք սկսել. Արկադի Տեր-Թադևոսյան
Tert.am

Հայկական ուղղաթիռը ղարաբաղա-ադրբեջանական սահմանին խփելու հրամանը ակնհայտ է, որ տրվել է Ադրբեջանի Զինված ուժերի ղեկավարության կողմից, քանի որ հասարակ զինվորը չէր կարող նման քայլի գնալ: Այսօր լրագրողների հետ հանդիպմանն ասաց գեներալ-մայոր Արկադի Տեր-Թադևոսյանը:

«Ադրբեջանը ուզում է Հայաստանն ու ԼՂՀ-ն լարված վիճակում պահի ու դրա համար նման հրաման արձակեց: Այն զենքը, որով խոցել են ուղղաթիռը, չէր կարող պարզապես զինվորի ձեռքում հայտնվել, այդ հրահանգը վերևից էր: Ադրբեջանը որևէ զինվորական նորմ չի պահպանում, ու սա ռազմական հանցագործություն է և պետք է սկսել հետաքննություն»,-ասաց նա:

Արկադի Տեր-Թադևոսյանը նաև նշեց, որ հայկական կողմը պետք է համաչափ և կոշտ պատասխան տա:

«Մենք ռազմական գործողությունների ենք դիմում միայն այն ժամանակ, երբ իրենք հարձակվում են, բայց մենք նախահարձակ չենք լինելու: Վստահ եմ, որ զինվորականները ճիշտ կմտածեն, թե ինչ է պետք է անել այս իրավիճակում, ադրբեջանցիներին պատժելու համար, բայց դա չի լինի ստորություն»,- ասաց նա:

Պետք է դադարել փոխզիջումների մասին խոսել. Վահան Շիրխանյան
Tert.am

Պաշտպանության նախկին փոխնախարար Վահան Շիրխանյանը այսօր լրագրողների հետ զրույցում նշեց, որ Ադրբեջանի կողմից հայկական ուղղաթիռը խոցելուց հետո, Հայաստանը պետք է ԼՂՀ խնդրի բանակցային գործընթացում կտրուկ փոխի իր մարտավարությունը:

«Մենք պետք է կոշտացնենք մեր դիրքորոշումները բանակցային գործընթացում, պահանջենք ճանաչել պատերազմի արդյունքը՝ այնպիսին ինչպիսին այն կա, և որ ԼՂՀ-ն ստանա համապատասխան անկախ կարգավիճակ: Շարունակել Ադրբեջանի խաղը, մեզ համար անթույլատրելի է: Իսկ նրանց արածը խարդախություն է, երբ զորավարժությունների ժամանակ ուղղաթիռ են խփում: Մենք շատ անգամ ենք նման հնարավորություն ունեցել, բայց երբեք չենք արել: Ինձ համար ուղղաթիռի դեպքը բացառիկ չէ, քանի որ ադրբեջանցիները շատ անգամ են այնպիսի բաներ արել»,- ասաց նա:

Վահան Շիրխանյանը նշեց, որ Հայաստանը ռազմական հարթակում հաղթանակ է տարել, իսկ դիվանագիտականում՝ ոչ:

«Պետք է գտնել նոր մեխանիզմներ, նոր դաշինքներ, ճնշման մեխանիզմներ, դա դիվանագիտության խնդիրն է: Այսօրվանից պետք է դադարել փոխզիջումների մասին խոսել ընդհանրապես, որովհետև Ադրբեջանը ապացուցեց, որ համատեղ նրանց հետ ապրելը անհնար է, նրանք ուխտադրուժ մարդիկ են և ցանկացած պայմանագիր, ով էլ կնքած լինի, իրենք խախտող են»,- ասաց նա:

Վահան Շիրխանյանն ընդգծեց, որ Հայաստանը պետք է ստիպի Ադրբեջանին ընդունել իր պարտությունը, քանի որ միայն այդ ժամանակ Արցախը անկախ կդառնա: «Վերջին դեպքը բազմաթիվ պատճառներ ունի, կարծում եմ, այդ թվում նաև Հայաստանի ԵՏՄ-ին անդամակցությունը: Կարծում եմ, որ Ադրբեջանը դեմ է այդ անդամակցությանը, քանի որ ԼՂՀ-ի հետ կապված խնդիրներ կան»,- ասաց նա:

Խոցված հայկական ուղղաթիռի դեպքը, Հայաստանը պետք է օգտագործի իր դիվանագիտության մեջ. Վաղարշակ Հարությունյան

Tert.am
Անկախ նրանից, թե հայկական ուղղաթիռը մոտ է թռչել Ադրբեջանական սահմանին, թե` ոչ, Ադրբեջանը իրավունք չուներ խոցել այն, քանի որ փաստ է, որ ուղղաթիռը սահման չի խախտել: Այսօր լրագրողների հետ հանդիպմանն ասաց պաշտպանության նախկին նախարար Վաղարշակ Հարությունյանը և ընդգծեց, որ սա այն դեպքն է, երբ հրապարակվել է տեսանյութ, որը փաստում է, որ հայկական կողմը մտադրություն չի ունեցել հարձակվելու և ակնհայտ է, որ հենց Ադրբեջանական կողմն է զինադադարը խախտել:

«Տեսանյութում հստակ երևում է, որ ուղղաթիռը մարտական զենք չի կրում և իր սահմաններում է թռչում, նշանակում է իրենք իրավունք չունեին խոցել ուղղաթիռը: Այստեղ որևէ հիմնավորում չի կարող լինել իրենց կողմից: Նշեմ նաև, որ ավիացիան այնպիսի բան է, որ կարող է շեղվել իր ճանապարհից և եթե ուղղաթիռը չունի զենք, ապա չի կարելի խոցել: Ընդհանրապես ուղղաթիռ, օդանավ խփում են միայն այն դեպքում, երբ այն իրենից վտանգ է ներկայացնում, մեր ուղղաթիռը մեկ կիլոմետր հեռու է եղել իրենց սահմանից»,- ասաց նա:

Վաղարշակ Հարությունյանը նաև այն վստահությունը հայտնեց, որ վերջին իրադարձությունները հայկական կողմը պետք է օգտագործի իր դիվանագիտության մեջ և ցույց տա ամբողջ աշխարհին, որ հենց Ադրբեջանն է խախտում զինադադարը:

Պատասխանելով հարցին, թե ինչ պետք է անի Հայոց բանակը ստեղծված իրավիճակում, պատասխանեց. «Ռազմական պատասխանը պարտադիր պետք է լինի, ինչը մեր բանակը շատ լավ ընդհանրապես անում է: Չի կարելի թույլ տալ, որ Ադրբեջանը իրեն զգա անպատիժ, Այս իրավիճակում միաժամանակ պետք չէ խուճապի մեջ ընկել, պատերազմ հայտարարել, բայց որ պետք է հստակ օգտագործել հօգուտ մեզ, դա ակնհայտ է»:

Վաղարշակ Հարությունյանը նաև հորդորեց զինվել համբերությամբ. «Իսկ ո՞ր հակամարտությունն է լուծվել քսան տարում, այդպիսի հարցերը շուտ չեն լուծվում, նախապայմաններ են պետք, որոնք այսօր չկան»:

Ադրբեջանը փորձեց ռևանշ վերցնել օգոստոսյան խայտառակությունից հետո. Վահան Շիրխանյան

Tert.am
Օգոստոսյան դեպքերից հետո, երբ հայկական կողմը ըստ արժանվույն պատժեց Ադրբեջանին հրադադարը խախտելու համար, մի քանի օր առաջ հայկական ուղղաթիռ խփելով Ադրբեջանը փորձեց ռևանշ վերցնել խայտառակությունից դուրս գալու համար:Այսօր լրագրողների հետ հանդիպմանն ասաց պաշտպանության նախկին փոխնախարար Վահան Շիրխանյանն ու ընդգծեց, որ Ադրբեջանը փորձեց օգտվել Ռուսաստանում տիրող խառը իրավիճակից:

«Սա արդյունք էր նաև Ռուսաստանի վարած քաղաքականության, որը հիմնավորվել է դեռ 1920-ից: Ես ենթադրում եմ, որ այստեղ թուրքերի մատը ևս խառն է, որովհետև նրանք՝ ադրբեջանցիները, ոչ ուժ ունեն, ոչ տղամարդկություն, որ նման քայլերի գնան»,- ասաց նա:

Վահան Շիրխանյանը նաև նշեց, որ հայկական կողմը պարտավոր է ուժեղ հակահարված տալ և անհրաժեշտության դեպքում պատրաս լինել պատերազմի: «Մեզ չպետք է վախեցնի պատերազմը և չպետք է այլևս մտածենք, որ մեռնելու ենք: Մենք միայն այդ ճանապարհով կարող ենք մեր գոյությունը պաշտպանել»,-ասաց նա:

Մեր հարևանը ծայրաստիճան անհուսալի ու անազնիվ գործընկեր է. Նախկին փոխնախարար
aysor.am

«Այն, ինչ տեղի է ունեցել, պետք է որակել ոչ այնքան որպես ագրեսիա, որքան Ադրբեջանի կողմից հրադադարի կոպիտ խախտում»,- «Ադրբեջանական սադրանքը պատերազմի վերսկսման վտանգ, հայկական կողմի հակաքայլերը» թեմայի շուրջ հրավիրված ասուլիս-քննարկմանը նման տեսակետ հայտնեց ՀՀ պաշտպանության նախկին նախարար Վաղարշակ Հարությունյանը:

«Ադրբեջանը տարածքի վերաբերյալ սահմանափակում չի կարող մտցնել, ղարաբաղյան կողմին հնարավոր չէ մեղադրանք ներկայացնել»,- ասաց նա:

Անդրադառնալով միջադեպի վերաբերյալ Ադրբեջանի արձագանքին՝ նա նկատեց, որ ադրբեջանական լրատվամիջոցներում սկզբում լուրեր էին շրջանառվում, թե ուղղաթիռը փորձել է հարվածել ադրբեջանական դիրքերին, և իրենք ստիպված են եղել ոչնչացնել այն:

«Ակնհայտ է և ապացուցվել է, որ ուղղաթիռը չի մտել Ադրբեջանի տարածք: Բացի այդ՝ ակնհայտ երևում է, որ ուղղաթիռը մարտական զենք չի ունեցել, այնպես որ՝ իրենց կողմից որևէ հիմնավորում չի կարող աշխատել»,- ասաց նա:

Ինչ վերաբերում է միջազգային հանրության արձագանքին, Հարությունյանն ընդգծեց, որ միջազգային հանրությունը ևս մեղադրում է Ադրբեջանին:

Նախկին նախարարը շեշտեց նաև, որ ՀԱՊԿ գլխավոր քարտուղար Նիկոլայ Բորդյուժան իր հայտարարության մեջ ևս ասում է, որ ուղղաթիռի ոչնչացումը կհանգեցնի հակամարտության լարման: «Պարզապես դիվանագիտական ձևակերպում է, որ խաղաղության վերաբերյալ կոչերում Հայաստանին էլ են նշում»,- հավելեց նա:

Պաշտպանության նախկին նախարարը ևս համոզված է, որ Ադրբեջանն ուզում է հայկական կողմին պահել լարման մեջ, միևնույն ժամանակ Հարությունյանը վստահ է, որ պատերազմը սկսելու պատրաստվածություն Ադրբեջանը չունի: «Դրան ունակ չէ ո՛չ պետությունը, ո՛չ բանակը և ո՛չ էլ նույնիսկ ժողովուրդը»,- ասաց նա:

Պաշտպանության նախկին փոխնախարար Վահան Շիրխանյանն էլ իր հերթին ընդգծեց, որ չի կարծում, թե այս միջադեպը բացառիկ դեպք է:

«Մեր հարևանը ծայրաստիճան անհուսալի ու անազնիվ գործընկեր է: Որպես բանակցային կողմ՝ Ադրբեջանին վստահել չի կարելի, որովհետև նա ապացուցել է, որ պայմանավորվածություն խախտող է, իսկ մենք այդ ամենից պետք է հետևություններ անենք: Ես չեմ կարող ասել, որ սա բացառիկ դեպք է: Եթե ուղղաթիռ չեն խփել, եղել են այլ դեպքեր: Մենք պետք է կտրուկ փոխենք մեր դիրքորոշումները բանակցային գործընթացում և պահանջենք ճանաչել պատերազմի արդյունքը այնպիսին, ինչպիսին կա, տանք համապատասխան կարգավիճակ Արցախի տարածքին: Մեզ համար անթույլատրելի է այս որակի բանակցությունները շարունակել անազնիվ գործընկերոջ հետ: Պետք է դադարենք փոխզիջումների մասին խոսելը»,- ասաց նա:

Ուղղաթիռի խոցումը Ադրբեջան պետության որոշումն էր. Կոմանդոս

aysor.am
Ադրբեջանական ԶՈՒ-ն չի պահպանում միջազգային իրավունքի նորմերը: Այսօր Թեքեյան կենտրոնում հրավիրված ասուլիս-քննարկման ժամանակ, անդրադառնալով օրերս ադրբեջանի կողմից կործանված ուղղաթիռին, հայտարարեց արցախյան ազատամարտի հերոս, գեներալ-մայոր Արկադի Տեր-Թադևոյանը՝ Կոմանդոսը, ում համոզմամբ, դա կանխատեսելի էր:

«Պատահեց այն, ինչ պետք է պատահեր: Ադրբեջանը անընդհատ լարվածություն է ստեղծում: Սա վկայում է այն մասին, որ ուղղաթիռը խոցելու հրամանը տրվել է ադրբեջանական ղեկավարության կողմից: Զորավարժությունների ժամանակ զինվորականները առանց հրամանի կրակելու իրավունք չունեն», – ասաց նա:

Կոմանդոսի կարծիքով՝ Ադրբեջանի կողմից հայկական ուղղաթիռի խոցումը Ադրբեջան պետության որոշումն էր: «Այդ միջադեպը ռազմական հանցագործություն է, որն անհրաժեշտ է հետաքննել»,- հավելեց նա:

ArmarLur.am