«Ձեզ կօգնի այն, որ Ղարաբաղը շուրջ քառորդ դար գոյություն ունի որպես պետություն եւ կարող է ավելին լինել: Ձեր կենսունակությունն ապացուցելով կհամոզեք աշխահին, որ կաք»,-այս մասին օրերս ԼՂՀ-ում գործող հասարակական կազմակերպությունների ներկայացուցիչների հետ հանդիպման ժամանակ հայտարարել է Եվրախորհրդարանի պատգամավոր Ֆրանկ Էնգել՝ խոսելով ղարաբաղյան հիմնախնդրի կարգավորման եւ ԼՂՀ ճանաչման մասին։

«Ձեզ հաջողվել է ստեղծել մի պետություն, որին կարող է շատերը չեն խոստովանում տարածաշրջանում, բայց կցանկանային նմանվել»,-նշել է նա՝ հավելելով, որ Ղարաբաղը պետք է ավելի ակտիվ լինի դրսում եւ ներկայանա հնարավորինս շատ տեղերում։ Եվրախորհրդարանի պատգամավորի հավաստմամբ՝ նրանք կաշխատեն, որ խորհրդարանական մակարդակով ավելի ինստիտուցիոնալ հարաբերություններ ստեղծվեն Արցախի գործընկերների հետ։