Արկադի Բախին. ռուսական ռազմաբազայում ծառայողական քննությունն ավարտվել է
Հունվար 15, 2015թ. 13:00
Ռուսաստանի պաշտպանության նախարարի առաջին տեղակալ Արկադի Բախինը Հայաստանի պաշտպանության նախարարի առաջին տեղակալ Դավիթ Տոնոյանին երեկվա հանդիպմանը տեղեկացրել է, որ Ռուսաստանի պաշտպանության նախարարության հանձնաժողովն ավարտել է ներքին ծառայողական քննության աշխատանքը ռուսական 102-րդ ռազմակայանում, եւ բոլոր մեղավորները բացահայտվել են:
Խոսքը Պերմյակովի փախուստի հետ կապված զինվորական խախտումներին է միայն վերաբերում: Գեներալ Բախինը հայտնել է նաեւ, որ Հայաստանի քրեական օրենսգրքի համաձայն հարուցված քրեական գործով որպես մեղադրյալ ներգրավված Պերմյակովը գտնվում է Հայաստանի Հանրապետության տարածքում: Քրեական գործի շրջանակում հետագա աշխատանքները կիրականացնեն Հայաստանի եւ Ռուսաստանի համապատասխան իրավապահ մարմինները:
Դիտել Զինված ուժեր, Լրահոս, Հասարակություն, Ռուսաստան բաժնի բոլոր նյութերը
