«Համաշխարհային քաղաքականությունն այժմ խիստ զբաղված է ուկրաինական խնդրով։ Աշխարհի քաղաքական գործիչների հետաքրքրությունն այս տարածաշրջանում ուղղված է այն բանին, որ նոր պատերազմ չբռնկվի, այսինքն՝ ամեն ինչ մնա այնպես, ինչպես կա։ Եվ ներկայիս ստատուս քվոյի ցանկացած խախտում վատ կանդրադառնա թե Ադրբեջանի, թե Հայաստանի վրա», – ասել է ՌԴ նախագահին կից քաղաքացիական հասարակության զարգացման եւ մարդու իրավունքների հարցերով խորհրդի անդամ Իրինա Խակամադան, միաժամանակ հայտարարելով` այժմ ղարաբաղյան հակամարտությունը աշխարհում ոչ ոքի չի հետաքրքրում:

Հարցին, եթե Ադրբեջանը ռազմական գործողություն սկսի, նրան կարո՞ղ է Ուկրաինայի ճակատագիրը սպասվել, Իրինա Խակամադան պատասխանել է.«Ցավոք՝ այո»։