Մեծի Տանն Կիլիկիո Արամ Ա կաթողիկոսը դատական հայց կներկայացնի Թուրքիայի դեմ Սիսի կաթողիկոսության հարցով: Այս մասին հայտնում է Horizon Weekly-ն:

Դա տեղի կունենա երկու շաբաթվա ընթացքում, հայցով Արամ Ա-ն Թուրքիայի իշխանություններից կպահանջի վերադարձնել Կիլիկիայի Սիսի կաթողիկոսությունը: Գործում կներգրավվեն մարդու իրավունքների արտասահմանցի իրավաբաններ:

Այս մասին Արամ Ա-ն հայտարարել է Անթիլիասում կաթողիկոսության կենտրոնական վարչության հանդիպմանը: Արամ Առաջինը ասել է, որ այս գործի միջոցով իր դերակատարումը կունենա այն առաջընթացում, որ կա Հայոց ցեղասպանության հարյուրամյա տարելիցի ձեռքբերումների թվում:

Արամ Ա-ն հայտարարել է նաև, որ վերջին 3 տարում այս հարցը քննարկել է միջազգային իրավունքի մասնագետների հետ: «Եթե մենք շահենք դատը, պատիվն ու հաղթանակը կվերադառնան մեր ազգին, հայրենիքին և եկեղեցուն»:

1293–1441թթ Հայոց կաթողիկոսության նստավայրը եղել է Սիսում՝ Կիլիկյան Հայաստանի մայրաքաղաքում: Կաթողիկոսությունը Վաղարշապատում հաստատվել է 1441-ին: