Օգոստոսի 14-ից օգոստոսի 20-ը Patriot կոնգրես-ցուցահանդեսային կենտրոնում՝ Կուբինկա օդանավակայանի Ալաբինո պոլիգոնում անցկացվում է «Բանակ 2023» միջազգային ռազմատեխնիկական ֆորումը։

Ինչպես հայտնում է rusarmyexpo.ru-ն, ռուսական և արտասահմանյան ընկերությունները կցուցադրեն զենքի, ռազմական և հատուկ տեխնիկայի ժամանակակից և առաջադեմ մոդելներ։ Տեղի կունենան գիտական ​​և գործնական հանդիպումներ, փորձագիտական ​​խորհրդատվություն համաշխարհային օրակարգի ակտուալ հարցերի շուրջ, կիրականացվեն մշակութային լայնածավալ ծրագրեր։ Ֆորումի այցելուները կկարողանան ծանոթանալ ՏՏ ոլորտի ձեռքբերումներին, արհեստական ​​ինտելեկտի տեխնոլոգիաների ոլորտի զարգացումներին, անօդաչու համակարգերին։

Sputnik Iran-ի փոխանցմամբ՝ համաժողովի իրանական տաղավար է այցելել Հայաստանի պաշտպանության փոխնախարար Կարեն Բրուտյանը։ Բրուտյանը տաղավար կատարած այցի ընթացքում զրուցել է Իրանի պաշտոնյաների հետ։

Պաշտոնական տվյալներով՝ ֆորումում ներկայացված է արտասահմանյան 80 ընկերությունների արտադրանք։