Արցախում սովամահության դեպքն իրական է. Արման Թաթոյան
Արցախում սովամահության դեպքն իրական է: Այս մասին ֆեյսբուքյան իր էջում գրել է նախկին ՄԻՊ Արման Թաթոյանը:
Նա նշել է, որ քիչ առաջ խոսել է Արցախի մարդու իրավունքների պաշտպան Գեղամ Ստեփանյանի հետ, ուսումնասիրել են փաստաթղթերը.
«Այս պահին իրականացնում ենք ապացույցների հրատապ ամրագրում, այդ թվում` անհրաժեշտ թարգմանություն: Բայց չպետք է մոռանալ, որ սա ադրբեջանական մտադրված ֆաշիստական քաղաքականության հետեւանք է, էթնիկ հայկական ինքնության նկատմամբ պաթոլոգիկ ատելության արդյունք, իսկ խաղաղասիրությունն էլ բացարձակ կեղծիք է»:
Հիշեցնենք, որ ԱՀ մարդու իրավունքների պաշտպանի գրասենյակը տեղեկացրել էր, որ Արցախում սովամահության դեպք է արձանագրվել: Պարզվել է, որ Ստեփանակերտի բնակիչ, 1983 թվականին ծնված Կ.Հովհաննիսյանը մահացել է քրոնիկ թերսնուցման, սպիտակուցաէներգետիկ անբավարարության հետեւանքով։
Դիտել Արցախ 24, ԼՂ Հանրապետություն, Լրահոս բաժնի բոլոր նյութերը
