Մտահոգիչ են Ղարաբաղում իրավիճակի վատթարացման մասին հաղորդագրությունները․ ՄԱԿ-ում Բրազիլիայի ներկայացուցիչ
ՄԱԿ-ի ներկայացուցիչը նաև շեշտեց՝ մարդասիրական որևէ օգնություն չպետք է քաղաքականացվի:
Այնուհետև հայտարարություններ արեցին ՄԱԿ-ի ԱԽ անդամ երկրները։ Գաբոնի ներկայացուցիչը կարևորեց, որպեսզի ապահովվի, որ Բրյուսելում ընթացող քննարկումները հաջողություն ունենան, նրա կարծիքով՝ կողմերը պետք է պատասխանատու մոտեցում ստանձնեն․ «Չպետք է ռազմական սպառնալիք օգտագործել կամ ատելության խոսք ու ռազմաշունչ հռետորաբանություն օգտագործել»։
Բրազիլիայի ներկայացուցիչն ասաց․ «Մենք մտահոգված ենք այն տեղեկություններով, որոնք վերաբերում են մարդասիրական իրավիճակի վատթարացմանը։ Հունիսից փակված է ճանապարհը մարդասիրական օգնության համար։ Պետք է անպայման հաշվի առնել մարդասիրական իրավունքի սկզբունքները։ Ներկայիս պատային իրավիճակի պահպանումը սպառնում է հազարավոր մարդկանց կյանքին։ Կողմերին կոչ ենք անում գտնել մեխանիզմներ, որոնցով կապահովվի ԼՂ առանց խոչընդոտ մարդասիրական օգնության հասանելիությունը՝ այդ թվում Աղդամ-Խանքենդի ճանապարհի հնարավորությունը»։
Բրազիլիայի ներկայացուցիչը կոչ արեց կողմերին հավատարիմ մնալ նոյեմբերի 9-ին ստորագրված փաստաթղթի դրույթներին։
Դիտել NKR, Արցախ 24, ԼՂ Հանրապետություն, ԼՂՀ փաստեր, Լրահոս բաժնի բոլոր նյութերը
