Լեհաստանում ՀՀ դեսպան Էդգար Ղազարյանը գրում է․

«Ասեք` թալանենք, ասեք` վայելենք

Ադրբեջանա-թուրքական հեղափոխությունից հետո ՀՀ փոխվարչապետի և Երևանի քաղաքապետի տեղակալի պաշտոնները զբաղեցրած, իշխող «Քաղաքացիական պայմանագիր» կուսակցության կողմից Երևանի քաղաքապետի թեկնածու առաջադրված Տիգրան Ավինյանի տիկնոջ ձեռքի ժամացույցը իր տեսքով շատ նման է ROLEX 126600 մոդելի շվեյցարական ժամացույցին, որի արժեքը կազմում է մոտ 15․580 ԱՄՆ դոլար։ Դժվար է մտածել, որ ամուսնու կողմից դա «սիրելի»-ի համար գնված միակ ժամացույցն է։

Եթե Տիգրան Ավինյանի հայրն այնքան շատ է սիրում իր հարսին, որ որդու փոխվարչապետ և փոխքաղաքապետ դառնալուց հետո որոշել է նրան ավելի քան 50․000 դոլար արժողությամբ ավտոմեքենա նվիրել, ապա պետք է պատկերացնել, թե ամուսնու սերն ինչ նյութական դրսևորումներ կարող է ունենալ։

Այդ ժամացույցի գինը հայկական դրամով կազմում է մոտավորապես 6․000․000 ՀՀ դրամ, այսինքն` ժամը 1․000 դրամով չորս ժամ քայլելու համար, հնարավոր է այդ գումարով ժամանակավոր աշխատանքի հրավիրել Տիգրան Ավինյանի տիկնոջ տարիքի 1․500 երիտասարդ աղջիկների»։