Բեյրութում գործող հայկական մի շարք կազմակերպություններ բողոքի ակցիա են կազմակերպել ՀՀ նախագահ Սերժ Սարգսյանի Բեյրութի այցի ընթացքում:

Լիբանանում գործող հայկական «Ազդակ» օրաթերթը հաղորդում է, որ երեկ տեղի ժամանակով ժամը 18:00-ի սահմաններում ցուցարարները հավաքվել են Habtoor հյուրանոցի մոտ, որտեղ պետք է կայանա հանդիպումը: Ակցիայի մասնակիցների ձեռքերում եռագույն դրոշներ են, ինչպես նաև սև դրոշակներ, որոնց վրա գրված է «Ոչ»: Օրաթերթի հաղորդմամբ` «ցույցն ընթանում է քաղաքակիրթ մթնոլորտի մեջ»:

Ժամը 19:00-ի մոտ ցուցարարներին է դիմել Մեծի Տանն Կիլիկիոյ Արամ Ա. Կաթողիկոսը` հայտարարելով, որ «Կիլիկիո կաթողիկոսությունը պահանջատեր պիտի մնա»:

Armar.am