Հոկտեմբերի 8–ին Մոլդովայի ժամանակով ժամը 18:00-ին Մոլդովայի ԱՄՆ դեսպանի նստավայրում հանդիպել են ՀՀ նախագահ Սերժ Սարգսյանն ու Ադրբեջանի նախագահ Իլհամ Ալիևը։ Հանդիպմանը մասնակցել են նաև երկու երկրների արտգործնախարարները, ինչպես նաև ԵԱՀԿ Մինսկի խմբի համանախագահները և ԵԱՀԿ գործող նախագահի անձնական ներկայացուցիչը։ Մտքեր են փոխանակվել հայ-ադրբեջանական հարաբերությունների, ինչպես նաև ԼՂ հիմնախնդրի կարգավորման ներկա վիճակի ու հեռանկարի շուրջ։

Հանդիպումից հետո ԵԱՀԿ ՄԽ ռուսաստանցի համանախագահ Յուրի Մերզլյակովն ասել է, որ կողմերին հաջողվել է մոտեցնել դիրքորոշումները, և նրանք ցանկություն են հայտնել կրկին հանդիպել:

Ասվել է, թե կողմերը քննարկել են այն հարցերը, որոնց շուրջ նախկինում համաձայնություն չի եղել:

Նախագահ Սերժ Սարգսյանի գլխավորած պատվիրակությունը Հայաստան կվերադառնա հոկտեմբերի 9-ի ուշ երեկոյան:

ArmAr.am