ՌԱՀՀԿ տնօրեն Ռիչարդ Կիրակոսյանն այսօր «Հայացք» ակումբում պարզաբանեց, թե ինչ տեղի ունեցավ Ցյուրիխում: Նա ստորագրումների հետաձգումը հետաքրքրական  համարեց, քանի որ  դա բացահայտեց թուրքական ռազմավարությունը, այն է` Հայաստանի հետ խաղ խաղալ և յուրաքանչյուր հնարավորության դեպքում նոր պահանջներ դնել մեր երկրի առաջ: Նա նշեց, որ հետաձգման պատճառը  Թուրքիայի ԱԳՆ նախարարի   վերջին պահի պրովոկացիոն ելույթն էր, որտեղ հղում էր կատարվում Ղարաբաղյան հիմնախնդրին:

Ինչպես նկատում է Ռիչարդ Կիրակոսյանը, Թուրքիան կիրառեց մի ռազմավարություն, որով փորձեց շոշափել հայկական կողմի ու միջազգային հանրության արձագանքները:  Իր բանեցրած նենգ խաղից ոգևորված` Թուրքիայի ԱԳ նախարարը նույնքան նենգորեն ժպտում էր, մինչդեռ անսպասելիությունից այլայլված էր  ՀՀ ԱԳ նախարար Նալբանդյանը:

Ռիչարդ Հովհաննիսյանը համոզված է, որ  «թուրքական ստուգատեսը» ձախողվեց, քանի որ հայերը  սպառնացին, որ կհեռանան` առանց ստորագրելու արձանագրությունները: «Շվեյցարացիներն ու ամերիկացիները շատ հիասթափված էին, որովհետև նրանք անակնկալի էին  եկել   թուրքական կողմի` վերջին րոպեին դրսևորած խորամանկությունից»:

Բանախոսը նշեց, որ    ստորագրման գործընթացը շարունակվեց միայն  այն ժամանակ, երբ Թուրքիան հրաժարվեց ստորագրությունների արարողություններից հետո իր վերջնական ելույթից:

«Նոր  ճնշում կա և բարկություն` Թուրքիայի   նկատմամբ, քանի որ գերտերությունների սպասումները հիմնականում այդ երկրից են»,- եզրափակեց  Ռիչարդ Կիրակոսյանը:

Կարինե Պետրոսյան