Թուրքիայի խորհրդարանում  մեծ թիվ կազմող ընդդիմադիր «Ժողովրդա-հանրապետական» կուսակցության նախագահ Դենիզ Բայքալը տարօրինակ է որակել վարչապետ Ռեջեփ Թայիբ Էրդողանի արձանագրությունների վերաբերյալ արած այն հայտարարությունը, թե` վերջին խոսքը մեջլիսինն է լինելու և, եթե խորհրդարանը չվավերացնի, ապա ոչինչ չի լինի:

Բայքալը հարց է ուղղում վարչապետին` այդ դեպքում ինչո՞ւ է կառավարությունը «այո» ասել արձանագրություններին: Բայկալը, միաժամանակ, հայտարարել է, որ «Ժողովրդա-հանրապետական» կուսակցությունն իր դիրքորոշմանն հավատարիմ` դեմ է արտահայտվելու արձանագրություններին:

Իհարկե,   թուրքական  ընդդիմադիր կուսակցությունների այս փաստաթղթերին դեմ  լինելը  էական նշանակություն չի կարող ունենալ, այնքանով որքանով,  վերջին խոսքը խորհրդարանում մեծամասնություն կազմող իշխանամետ «Արդարություն և զարգացում» կուսակցությանն է: Եվ եթե այդ կուսակցության բոլոր անդամները կողմ քվեարկեն, ապա ընդդիմությունը որևէ կերպ չի կարող ներազդել գործընթացների վրա:

Ինչևէ, հոկտեմբերի 21-ին պարզ կդառնա  Թուրքիայի Մեջլիսի  վերաբերմունքը.  Արձանագրությունները կվավերացվե՞ն, թե՞ ոչ: Ի դեպ, վավերացման գործընթացը  կշարունակվի մինչև տարեվերջ:

Տեղեկացնենք, որ հոկտեմբերի 21-ին  արտգործնախարար Ահմեդ Դավութօղլուն է մեջլիսի քննարկմանը պաշտոնապես ներկայացնելու Ցյուրիխում ստորագրված Արձանագրությունները:

Armar.am