Լրագրողներն այդպես էլ չկարողացան կիսել ՀՀԿ անդամ Գագիկ Մելիքյանի անկեղծ զարմանքը հայ-թուրքական փակ սահմանի կապակցությամբ. «Այո’, Թուրքիան 1993-ին փակել է սահմանը, բայց չէ՞ որ մենք էլ բաց չենք պահում այն»:

Իսկ զարմանալու առիթ լրագրողները դեռ ունեին:   Արձանագրություններում ամրագրված  դրույթներից մեկում խոսվում է այն մասին, թե  Հայաստանը և Թուրքիան պետք է նպաստեն «տարածաշրջանային և միջազգային վեճերի խաղաղ կարգավորմանը», Սա այն մտահոգիչ դրույթն է,  որով  Թուրքիան կարող է ազատություն տալ իր «ձեռքերին» ու փորձել վեճերի մեջ ներառել և ղարաբաղյան հարցը: Սակայն  պատգամավոր  Մելիքյանի մեկնաբանությունը շա~տ ուշագրավ էր. «Դա կարող է վերաբերել այլ տարածաշրջանային խնդիրների, օրինակ, ինչո՞ւ ոչ` Բրազիլիայի, Ավստրալիան և այլ երկրների, բայց  ոչ Ղարաբաղյան խնդրին»:

Հումորն, իհարկե, օգտակար միջոց է, սակայն  եթե մեր պատգամավորներն այսպիսի «լրջությամբ» են վերաբերվում արձանագրություններում տեղ գտած վտանգավոր դրույթներին և նույնպիսի «լրջությամբ» էլ պատրաստվում են քննարկել  դրանց վավերացման-չվավերցման հարցը, ապա  դա չափազանց մտահոգիչ է:

Armar.am