Հոկտեմբերի 16-ին արտաքին գործերի նախարարի տիկնոջ` Նատալյա Նալբանդյանի նախագահությամբ գործող Բարի գալուստ Հայաստան ասոցիացիան այցելեցություն կազմակերպեց Ծիծեռնակաբերդ՝ Հայոց ցեղասպանության զոհերի հիշատակի հուշահամալիր:

Հայաստանում հավատարմագրված դիվանագետների կանայք եւ կին դիվանագետները հարգանքի տուրք մատուցեցին Հայոց ցեղասպանության անմեղ զոհերի հիշատակին եւ ծաղիկներ դրեցին Հայոց ցեղասպանության զոհերի հուշակոթողին: Այնուհետեւ ասոցիացիայի անդամները եղեւնի տնկեցին Հիշողության պուրակում:

Դիվանագետների կանայք եւ կին դիվանագետները այցելեցին նաեւ Հայոց ցեղասպանության թանգարան, ավելի հանգամանալից ծանոթացան Ցեղասպանության պատմությանը, գրառումներ կատարեցին հուշամատյանում: Այս մասին տեղեկացնում են ՀՀ ԱԳՆ-ից: