Թելավիվն այլևս չի վստահում Անկարային:

Իսրայելի վարչապետ Բենջիամին Նեթանյահուն հայտարարել է, որ Թուրքիան այլևս չի կարող «արդար միջնորդ» լինել Իսրայել–Սիրիա բանակցություններում:

Հայտարարությանն ի պատասխան Թուրքիայի վարչապետ Ռեջեփ Թայիբ Էրդողանն իր իսրայեցի պաշտոնակցին ասել է. «Թուրքիան հարգանքով է վերաբերվելու նաև իրեն չվստահողներին»: Ապա օրինակ բերել Կիպրոսի, Հայաստանի, Իրաքի, Իրանի և Սիրիայի հետ հարաբերությունների կարգավորման    գործընթացները  և շեշտել է, որ տարածաշրջանի երկրներն այլևս  վստահում են Թուրքիային:

Հիշեցնենք, որ Իսրայելի նախկին վարչապետ Էհուդ Օլմերթի օրոք Թուրքիայի միջնդորությամբ Սիրիայի և Իսրայելի ներկայացուցինչերը հինգ անգամ նստել են բանակցությունների սեղանի շուրջ: Սակայն դրանք դադարեցվեցին Գազայի հատվածում սկսված ռազմական գործողությունների պատճառով:

Իսրայելի նկատմամբ Թուրքիայի  որդեգրած կոշտ քաղաքականության դեպքում չի բացառվում, որ Թելավիվը իրականում հրաժարվի Անկարայի միջնորդությունից: Այս առումով Նեթանյահույի հայտարարությունը կարելի է դիտել որպես  նախազգուշացում:

Քրիստինե Մելքոնյան