Վրաստանում ազգային փոքրամասնությունների հարցերը չափազանց կարևոր են: Դրանք պետք է ավելի մեծ ուշադրության արժանանան, քան դա եղել է նախկինում ինչպես Եվրամիության, այնպես էլ Վրաստանի իշխանությունների կողմից: Այդ մասին ռուսական «Վրեմյա Նովոստեյ»  թերթին հայտնել է Հրավային Կովկասի երկրներում Եվրոմիության հատուկ ներկայացուցիչ Պիտեր Սեմնեբին: Խոսելով Սամցխե-Ջավախքի հայերի և Քվեմո-Քարտլիի ադրբեջանցիների խնդիրների մասին Եվրոմիության ներկայացուցիչն ասել է, որ դա բարդ հարց է. «որովհետև այդ տարածաշրջանները, որոնք դեռևս խորհրդային տարիներին և նույնիսկ մինչև վերջերս ապրում էին սեփական կյանքով, բավական թույլ էին կապված Թբիլիսիի հետ: Բայց դա արդեն փոխվում է: Ջավախքը կարող է օգուտ քաղել տարբեր ուղղություններով իրականացվող առևտրից. Թուրքիայի և Վրաստանի միջև մի կողմից, Հայաստանից Վրաստանի միջոցով դեպի Բաթում և արտաքին աշխարհ` մյուս կողմից: Այնտեղի խնդիրները հիմնականում սոցիալական են, դա տնտեսական զարգացման խնդիրներ են», – ասել է Պիտեր Սեմնեբին` դիվանագիտորեն շրջանցելով Սամցխե-Ջավախքի հայության գլխավոր` քաղական խնդիրը: ArmAr.am