Իրանի նախագահ Մահմուդ Ահմադինեջադը պատրաստվում է այցելել Թուրքիա:

Նա կմասնակցի Ստամբուլում նոյեմբերի 5-9-ը անցկացվելիք «Իսլամական կոնֆերանս» կազմակերպության տնտեսական և առևտրային համագործակցության մշտական հանձնաժողովի նիստին: Թուրքիա այցի ընթացքում Իրանի նախագահը կհանդիպի նաև Թուրքիայի նախագահի հետ:

Տեղեկացնենք, որ տնտեսական եւ առևտրային մշտական հանձնաժողովի նիստին հրավիրվել են ինչպես կազմակերպության, այնպես էլ 62 դիտորդ երկրների ղեկավարներ և տնտեսության գծով պատասխանատուներ: Իրանի նախագահը ներկա կլինի միայն համաժողովի վերջին երկու օրը:

ArmAr.am