ԱՄՆ նախագահ Բարաք Օբաման հայտարարել է, որ Վաշինգտոնը պատրաստ է Իրանի հետ երկխոսությունների և հարաբերություններ կհաստատի այդ մերձավորարևելյան հանրապետության հետ` փոխադարձ հարգանքի հիման վրա:

«Ես ուզում եմ հասկացնել, որ ԱՄՆ–ն չի ցանկանում հետագայում էլ շարունակել առաջնորդվել անցյալի չափանիշներով և ցանկանում է Իրանի հետ հարաբերություններ կառուցել` փոխադարձ հարգանքի և շահերի հիման վրա»,- հայտարարել է ԱՄՆ նախագահը:

«Մենք չենք խառնվում Իրանի ներքին գործերին: Եվ մենք քննադատել ենք Իրանի հանդեպ կատարված ահաբեկչությունը: Մենք ճանաչում ենք Իրանի` խաղաղ ատոմ ունենալու իրավունքը», – ընդգծել է ԱՄՆ նախագահը:

Վերջում ԱՄՆ նախագահ Բարաք Օբաման նշել է, որ «ամերիկյան ժողովուրդը խոր հարգանք է տածում Իրանի նկատմամբ, նրա ժողովրդի և հարուստ պատմության հանդեպ»: